PA'JARIANG 1:26 - KITTA' MATANGKASA'

²⁶ Nampa Nakana Allata'ala, “Kamma-kamma anne lapparekKi' tau lasanrapanga iKatte siagang lasantanjaka iKatte. Lakoasai ke'nanga mae ri sikamma juku'-jukuka, jangang-janganga, siagang sikontu olo'-olo' maraengannaya, kammaya olo'-olo' annabaya siagang liaraka, kammaya lompoa siagang ca'dia.”

PA'JARIANG 1:26 ပူးပေါင်းရင်းမြစ်များ

PA'JARIANG 11:7

Bajikangngang naungki' nanipasisala-sala bahasana ke'nanga sollanna takkullea sipahang ke'nanga.”

PA'JARIANG 2:19

Angngalle tommi sike'de' butta nampa Napare' sangka' rupa olo'-olo' niaka ri bontoa siagang niaka ri alla'. Na Naerang ngasemmo Allata'ala anjo sikammaya mae ri anjo taua sollanna nacini' angkanaya areng apa lanasareangi anjo sikamma olo'-oloka. Iaminjo assala'na olo'-olo' niaka ri tompo'na buttaya siagang olo'-olo' niaka ri alla', namassing nisare areng.

PA'JARIANG 3:22

Nakanamo Karaeng Allata'ala, “Kamma-kamma anne a'jarimi rupataua sangkamma iKatte siagang naassemmi ke'nanga passala' nikanaya baji' siagang kodi. Jari parallui nijagai sollanna tena nakanrei rapponna anjo poko' kayu assarea katallassang, sollanna tena nakkulle attallasa' sa'genna satunggu-tungguna.”

PA'JARIANG 5:1

Iaminne pattottoranna sossoranna Adam. [Ri wattu Napa'jarina Allata'ala rupataua, Napa'jari sanrapangi ke'nanga KalenNa Allata'ala.

PA'JARIANG 9:6

Anjo rupataua nipa'jari sangkamma iNakke; lanri kammana anjo, inai-nai ammuno rupatau, kalenna lanibuno tongi ri rupataua.

AYUB 35:10

Mingka teai mae ri Allata'ala, Mappa'jarina napappalakki, assareai panrannuang ri wattu susana ke'nanga,

AYUB 39:11

Maka akkullei nurannuang buku magassinna, nampa nusuroi anjamangko jama-jamang terasa'nu?

AYUB 5:23

Tena batunna koko nupa'jekoa; tanabakkaiako olo'-olo' liara'.

PAMMUJI 100:3

U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

PAMMUJI 149:2

Rannuko, he Israel, lanri Mappa'jarinu; ma'reja-rejako, he pandudu'na Sion, lanri Karaennu!

KATO'BA 7:29

Poro iaji anne bawang kugappa: Napa'jari tubiasaki' Allata'ala siagang tena sukkara'na. Mingka kalenta tonji ampa'jari sukkaraki kalenta.

KELONG MALA'BIRI' 1:11

Nipapparekangko belo-belo bulaeng, ammakea mani'-mani' pera'.

YESAYA 45:18

Batara ampa'jari langika, Iami Allata'ala! Iami ampa'jari siagang ampareki buttaya, Najarreki pare'na na tuli ammenteng. Tena Napa'jari tampa' sino, mingka a'jari tampa' untu' nipammantangngi. Iami angkana, “INakke Batara, tena pantaranganna.

YESAYA 6:8

Nampa nia' kulangngere' sa'ranNa Batara angkana, “Inai laKusuro? Inai lampabattui kabaratta?” Appialima' angkana, “Anne niakka'. Kisuroma'!”

YESAYA 64:8

Mingka iKatte, o Batara, iKatte Manggena ikambe, ikambe butta pi' ji bawang, na iKatte ampareki ikambe; ikambe yangasenna bate pare' limanTa.

YEREMIA 27:6

INakkemi le'ba' ampassareangi sikontu anne bansaya antama' ri kakoasanna atangKu, Nebukadnezar, karaeng Babel. Ba'lalo manna olo'-oloka le'ba' tommi Kupassareang mae ri ia untu' nakoasai.

YOHANES 14:23

Appialimi Isa Nakana, “Inai-nai angkamaseangA', lanaturuki ajarangKu. Lanikamaseangi ri ManggeKu. LaniakKa' siagang Manggea battu mae ri ia, ammantang anrurungangi.

YOHANES 5:17

Mingka Nakanamo Isa ri ke'nanga, “Sa'genna kamma-kamma anne tuli anjamana BapakKu, jari iaminjo naKuanjama todong.”

LAMPA-LAMPANA 17:20

Nasaba' sangnging apa-apa tena nantama' ri akkala' antu nupabattua. Jari ero' maki' anne angngassengi battuanna.” (

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.

1 KORINTUS 11:7

Tena naparallu tu bura'-bura'nea natongko' ulunna, nasaba' iami sanrapang carammeng ampappicinikangai KalenNa siagang kalompoanNa Allata'ala. Mingka tu bai'-bainea a'jarimi sanrapang carammeng ampappicinikangai kalompoanna tu bura'-bura'nena,

2 KORINTUS 3:18

Kamma-kamma anne tenamo nanitongkoki bongong rupanta. Sanrapang maki' tau angngeranga caya malompoNa Batara Isa. Na lanri kammana minjo nakituli pila' nipinramo a'jari sangkamma KalenNa; pila' sallo pila' accaya maki'. Anjo caya malompoa, caya battu ri RohNa Batara.

2 KORINTUS 4:4

Barhala ja'dala' niaka ri lino antongkoki pikkiranna tau tenaya natappa' ri anjo Kabara' Bajika. Iaminjo barhalaya anrompa-rompai ke'nanga sollanna tanacinika singara' battua ri anjo Kabara' Bajika, ri sese kalompoanNa Almasi, a'jaria pammatei rupanNa Allata'ala.

EFESUS 4:24

Paralluko a'jari tau beru lalang tallasa'nu, lanri le'ba'numo niberui situru' ero'Na Allata'ala; iamintu assipa' tojeng, lambusu', siagang matangkasa'.

KOLOSE 1:15

Iaminjo Almasi rupa ma'nyataNa Allata'ala tenaya nakacinikang; iaminjo Almasi ana' bungasa', mala'bianganga na sikontu apa-apa nipa'niaka.

KOLOSE 3:10

Kamma-kamma anne le'ba' mako nisare katallassang beru. Ikau a'jari tau beru mako, tulusu' niberuia ri Mappa'jaria, iamintu Allata'ala, situru' rupa KalenNa. Pattujunna iamintu sollanna pila' sukku' nuassenna Allata'ala.

YAKOBUS 3:7

A'rupa-rupai olo'-olo' sekke', jangang-jangang, olo'-olo' a'loloka rawa ri buttaya, kammayatompa juku'-juku' liaraka, akkullei nipa'jari annaba; najaimo olo'-olo' liara' napa'jari annaba rupataua.

YAKOBUS 3:9

Akkullei nipake untu' appala' sukkuru' mae ri Batara siagang Manggeta; mingka akkulle tongi nipake untu' ampakkanai paranta tau, le'baka Napa'jari Allata'ala situru' rupanNa.

1 YOHANES 5:7

Jari, nia' tallu sa'bi: