PA'JARIANG 1:24 - KITTA' MATANGKASA'

²⁴ Nampa Nakana Allata'ala, “Kuerokangi nia' ri buttaya sangka' rupa olo'-olo' ri bontoa, ia annabaya siagang liaraka, ia lompoa siagang ca'dia.” Nakajariammo anjo passalaka.

PA'JARIANG 1:24 ပူးပေါင်းရင်းမြစ်များ

PA'JARIANG 1:23

Allalomi bangngia nabattumo bari'basaka. Iaminjo allo makalimaya.

PA'JARIANG 2:19

Angngalle tommi sike'de' butta nampa Napare' sangka' rupa olo'-olo' niaka ri bontoa siagang niaka ri alla'. Na Naerang ngasemmo Allata'ala anjo sikammaya mae ri anjo taua sollanna nacini' angkanaya areng apa lanasareangi anjo sikamma olo'-oloka. Iaminjo assala'na olo'-olo' niaka ri tompo'na buttaya siagang olo'-olo' niaka ri alla', namassing nisare areng.

PA'JARIANG 7:14

Sikontua rupanna jangang-janganga siagang olo'-olo' maraengannaya, ia annabaya siagang liaraka, lompoa siagang ca'dia, antama' tommi siagang ke'nanga.

PA'JARIANG 8:19

Sikontu jangang-janganga siagang olo'-olo' niaka ri tompo'na buttaya assulu' ngaseng tommi, massing siagang sinrupanna ke'nanga.

AYUB 39:1

Maka nuassengi angkana ringngapanna nanilassukang bembe monconga ri anronna? Le'bakko amparhatikangi jonga liaraka allassukangi ana'na?

AYUB 39:19

He Ayub, ikauka assarei buku magassing jaranga siagang bosanna a'rombenga ri kacikoro'na?

AYUB 39:5

Inai allappassangi keledai liaraka ri romanga? Inai alla'gasi otere'na nampa nalappassang a'lampa mange-mange?

AYUB 39:9

Apaka eroki sapi liaraka nupajama? Maka eroki a'bangngi lalang ri bara nupareka?

AYUB 40:15

Parhatikangi lapung jarang niarenga Behemot, olo'-olo' sannaka lompona; sangkamma ikau, ia bate parekKu tonji. Ruku'-rukuka a'jari kanrena, sangkamma sapi biasaya.

PAMMUJI 104:18

Moncong-moncong tinggia a'jari tampa'na bembe romang; palandu' accokko ri batu karanga.

PAMMUJI 104:23

Nampa assulu'mo rupataua untu' anggaukangi jama-jamanna, nanjama tulusu' sa'genna karueng.

PAMMUJI 148:10

sikontu olo'-olo' niparakaia siagang olo'-olo' liaraka, sikontu olo'-olo' a'loloka ri butta siagang jangang-janganga!