OBAJA 1:9 - KITTA' MATANGKASA'

⁹ Sikamma tubarani battua ri Téman lanabattui malla', siagang sikontu tantarana Edom lamate kabusuki.”

OBAJA 1:9 ပူးပေါင်းရင်းမြစ်များ

AYUB 2:11

Anjo bala antujuai Ayub nalangngere'mi tallua aganna, iamintu Elifas, battu ri Téman, Bildad tu Suah, siagang Zofar tu Naamah. Assamaturu'mi ke'nanga ero' mange antoaki siagang ansaleori Ayub.

YEREMIA 49:20

Lanri kammana anjo, pilangngeri apa le'baka Kurancanakang mae ri tu Edom, siagang apa eroka Kugaukang mae ri pandudu'na kota Téman. Manna ana'-ana'na ke'nanga lanire'resang tongi a'lampa, siagang sikontu taua lamalla' kabusuki.

YEREMIA 49:22

Rapang jangang-jangang rajawali attambero siagang ka'nyi'na takka'ranga, kammami anjo musua labattu siagang antamberoi Bozra. Anjo alloa tantara Edom lamallaki rapang baine eroka ammana'.”

YEREMIA 49:7

Iaminne kananNa Batara Kaminang Koasaya ri ri sesena Edom, angkana, “Apaka tu Edom takkulleai appikkiri' baji'? Apaka sikamma tucara'de'na tena napakaingaki ke'nanga? Lanynya'mi kacara'dekanna ke'nanga!

YEHEZKIEL 25:13

Lanri kammana anjo Kupa'la'bangi Kupau angkanaya laKuhukkungi Edom siagang Kubunoi sikamma taua kammayatompa sikamma olo'-olo' niaka anjoreng. Sikontu anjo pa'rasanganga, appakkaramula battu ri Téman sa'genna mange ri kota Dedan, Kupa'jari sino kabusuki; ra'ya'na lamatei lalang pa'bundukang.

AMOS 1:12

Lanri kammana anjo, lakkiringA' pepe' mange ri kota Téman, siagang Kutunu sa'genna cappu' sikamma pattahanganna Bozra.”

AMOS 2:16

Ri anjo alloa manna tantara kaminang barania lanabokoi tongi sanjatana nampa lari. INakke, Batara, anne akkana.”

OBAJA 1:21

Pandudu'na Yerusalem porea lanabunduki Edom nampa nabeta. Nampa iNakke Batara lammarenta salaku karaeng.”

OBAJA 1:5

Palukkaka yareka paella' battua ri wattu bangngi, poro nakaerokia bawang naalle. Tau angngattilika anggoro' ri kokoa, tuli nia' nasesa piram batu are. Mingka ikau lanibarrasakko ri musu-musunnu sa'gennu cappu'.

NAHUM 3:13

Sikamma tantaranu lammai sangkamma baine, siagang pa'rasangannu tena sikali pakkullena andallekangi musua. Pepeka lanapammutungi sikamma balo' panjolina pakke'bu' lomponu.

HABAKUK 3:3

IKatte Allata'ala Kaminang Matangkasa' battu ri Téman, iKatte battu ri pa'monconganna Paran. Langika nikalimbuki ri kalompoanTa; buttaya rassi siagang pammuji mae ri Katte.

PAOLE 2:5

mingka teako bunduki ke'nanga, nasaba' tena manna sike'de' battu ri buttana ke'nanga laKupassareang mae ri kau, nasaba' anjo daera Edom le'ba'mi Kupassareang mae ri jari-jarina Esau.