OBAJA 1:21 - KITTA' MATANGKASA'

²¹ Pandudu'na Yerusalem porea lanabunduki Edom nampa nabeta. Nampa iNakke Batara lammarenta salaku karaeng.”

OBAJA 1:21 ပူးပေါင်းရင်းမြစ်များ

PA'JARIANG 25:23

Nakanamo Batara ri ia, “Nia' rua bansa lalang ri battannu; lallassukangko rua bansa lasimusu; kassakangngangi andi'na na daenna ia toaya la'jari palayang mae ri bungkoa.”

2 KARAENG-KARAENG 13:5

Napassareammi Batara mae ri tu Israel sitau pamimping untu' allappassangi ke'nanga battu ri kakoasanna Siria sa'genna a'jari sannammo ammotere' katallassanna ke'nanga sangkamma riolo.

NEHEMIA 9:27

Jari Kipassareammi ke'nanga mae ri musunna sekkeka angkoasai siagang anjallakkangi ke'nanga. Mingka lalang nijallakkanna lalang kasusaang, akkio'mi ke'nanga appala' bantuang. Mappilangngeri maKi' battu ri suruga; sanna' mangngamaseanTa nakipiali. Kipabattui pamimping siagang pahlawang allappassangai ke'nanga battu ri musu.

PAMMUJI 102:15

Saba' ata-atanTa mangngai ri ia, manna pole na'jarimo rumbangang. Tu'guru' mangngamaseangi ke'nanga mae ri ia, manna pole na'jari aumo.

PAMMUJI 22:28

Sikontu bansaya langngu'rangi ri Batara nampa ammotere' mae ri Ia, sikontu suku bansaya lasu'juki anynyomba mae ri Ia.

PAMMUJI 22:29

Nasaba' Batarayami makoasa, Ia ammarenta mae ri bansa-bansaya.

PAMMUJI 47:7

Akkelongko pammuji mae ri Allata'ala, akkelongko pammuji mae ri Karaenta!

PAMMUJI 67:4

Poro mammuji bansa-bansaya mae ri Katte, o, Allata'ala, poro appala' sukkuru' ngasengi sikontu bansaya mae ri Katte.

YESAYA 19:20

Anjo tampa' pakkoro'bangnganga siagang anjo bentenga a'jari pannanrai ri kahaderanNa Batara Kaminang Makoasaya ri Mesir. Punna nijallakkang anjo bansaya, nampa akkio' ke'nanga appala' tulung mae ri Batara, nia'mo sitau lanisuro battu untu' ampasalamaki ke'nanga.

YESAYA 24:23

La'jari sassangi bulanga siagang tenamo naccaya mataalloa, lanri Batara Kaminang Makoasaya ammarenta salaku Karaeng. Ia lammarentai ri Yerusalem, irate ri Bulu' Sion, siagang Napappicinikangi kalompoanNa mae ri sikamma pamimpinna umma'Na.

DANIEL 12:3

Sikamma pamimping cara'deka laccayai sangkamma cayana langika. Siagang sikamma tau le'baka angngajara' tau jai untu' anggaukangi apa bajika siagang adeleka, laccayai sangkamma bintoenga untu' satunggu-tungguna.”

DANIEL 2:35

Rumbang silalonnami anjo patunga nampa a'jari tambungang bassi, butta pi', tambaga, pera', siagang bulaeng; ancuru' taba sikalimi anjo patunga sangkamma limbu'bu' niaka ri tampa' pa'lessorang gandunga punna wattu timoro'. Anri'ba'-ri'ba'mi anjo timbunganga niiri' ri anging, sa'genna tena sikalimo bate-batena manna sike'de'. Mingka anjo batu anrumbangai anjo patunga a'jari pila' lompomi sangkamma moncong lompona na napirassi sikontu buttaya.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

DANIEL 7:14

Nisarei kalompoang siagang kakoasanga salaku karaeng, sa'genna sikamma tau battua ri sikontu bansaya, suku bansaya siagang bahasaya napare' atai kalenna mae ri ia. Lattahangi kakoasanna satunggu-tungguna, siagang pamarentahanna tena nalanigulung.

DANIEL 7:27

Koasana siagang kalompoanna sikontu kakaraenganga ri buttaya lanipassareangi mae ri umma'Na Allata'ala Kaminang Tinggia. Koasana ke'nanga untu' ammarenta tena kala'busanna siagang sikontu pamarentaya ri buttaya lanapa'jari atai kalenna mae ri ke'nanga, siagang lamannuruki ri ke'nanga.”

YO"EL 2:32

Mingka inai-nai appala' pannulung mae ri Batara, iami lanipasalama'. Nakana Batara, “Ri Yerusalem sikamma tau Kupilea lasalamaki.”

MIKHA 4:7

Nipa'jarimi ke'nanga rapang tau peso' siagang bella battu ri butta passolongang cera'na. Mingka, battu ri anjo sikamma tau tassesaya laKupakaramulai se're turungang beru. La'jari ke'nanga bansa lompo siagang kassa'. INakke lammarenta ri ke'nanga ri Bonto Sion sa'genna satunggu-tungguna.”

ZAKHARIA 14:9

Na Batara lammarenta salaku Karaeng ri sikontu linoa; tunggala' taua lanynyombai ri Ia salaku Allata'ala siagang naassengi arenNa lalang areng sangkammaya.

MATIUS 6:10

IKattemi Karaenna ikambe. Poro iKattemi ammarenta ri lino, na nituruki erotTa ri lino kamma ri suruga.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

LUKAS 22:30

Lanri kammana, akkulle tommako amminawang a'rannu-rannu siagang iNakke ri wattungKu a'jari Karaeng. Siagang lammempo ngaseng tommako irate ri sampuloa anrua empoang kala'birang, untu' ammarenta ri sampuloa anrua bansa Israel.”

1 TIMOTIUS 4:16

Katutui kalennu siagang katutui tongi pangngajarannu. Paralluko tamamminraya anggaukangi yangasenna anjo nasaba' kammaminjo nanupasalama' kalennu kammayatompa sikamma tau allangngerekai apa nupangngajarranga.

YAKOBUS 5:20

u'rangimi anne nakanaya Kittaka: Inai-nai ampoterangi tau dorakaya mange ri oloang tojenga, iami ampasalamaki nyawana anjo tau dorakaya battu ri kamateanga siagang a'jari saba' najai dosa nipammopporang. Sallangku, Yakobus

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

PAPPICINI' 19:6

Le'baki anjo nia'mo kulangngere' kamma sa'ra tau sannaka jaina sipa'rappungang; sa'ranna sangkammai sa'ra bombang sannaka lompona siagang sangkammai gunturu' a'gamarrunga. Kulangngere'mi ke'nanga angkana, “Pujimi Allata'ala! Nasaba' Iami Batara, Allata'alata Kaminang Koasaya, ammarentaya kamma-kamma anne!

PAPPICINI' 20:4

Nampa kucini' sikamma anjo empoang kala'biranga siagang sikamma tau niaka ammempo irate nisarei koasa untu' annappuki hukkungang. Kucini' tommi nyawana sikamma tau le'baka nisamballe passabakkang a'jari sa'bina ke'nanga ri passala'na Isa, siagang napa'la'bang pappasang battua ri Allata'ala. Yangasenna anjo taua tanasombayai olo'-oloka, yareka patunna. Tena todong nale'ba' ke'nanga anggappa pammatei battu ri anjo olo'-oloka, iamintu pammatei irateanganna kanynyinna yareka ri limanna ke'nanga. Jari attallasa' poleammi ke'nanga siagang ammarentami a'jari karaeng ke'nanga sisa'bu taung sallona siagang Almasi.

HAKING-HAKING 2:16

A'mole-molemi Batara assarei ke'nanga pamimping untu' allappassangi ke'nanga battu ri garombolang parampo'.

HAKING-HAKING 3:9

Jari akkio'mi umma' Israel appala' tulung ri Batara. Na Napassareammo Batara sitau niarenga Otniel untu' allappassangi ke'nanga (Otniel ana'nai Kenas andi'naya Kaleb).