OBAJA 1:16 - KITTA' MATANGKASA'

¹⁶ Irate ri bulu' matangkasakKu le'ba'mi nainung ummakKu inungang pangngebarranna hukkunganna. Mingka inungang mae ri bansa-bansaya ri buttaya anne la'bi paikangngangi pole. Takkulleai naliliang ke'nanga anjo hukkunganga. Musti nainungi ke'nanga sa'genna la'busu', nampa lalanynya' ke'nanga tena bate-batena.”

OBAJA 1:16 ပူးပေါင်းရင်းမြစ်များ

YESAYA 42:14

Nakana Allata'ala, “SalloMa' tamakkana-kana; Kutahangi KalengKu, naKua'mereki. Kamma-kamma anne narapi'mi wattungKu untu' angngalle tindakang, erokKa' ammarrang rapang baine ammanaka.

YEREMIA 49:12

Manna tau tenaya siratang nihukkung nataba ngaseng todong hukkungang, angngapa naikau tena? Ma'nassa ikau lanihukkung tongko!

PIRAUNG 4:21

He bansa Edom siagang Us, ammakkala' mako, rannu mako lalang nukullena! Balaya labattu tongi mae ri kau na lanusolarri kalennu lanri nasa'ringko.

YO"EL 3:17

“He Israel, kamma-kamma anne lanuassemmi, angkanaya iNakke Karaeng Allata'alanu. AmmantangA' ri Sion, bulu' matangkasakKu. Na Yerusalem a'jari tongi kota matangkasa', talantamakkami bansa maraenga.

HABAKUK 1:9

Tantarana majui untu' anggaukangi katerassanga; malla' kabusuki taua anciniki nia' battu ke'nanga. Teai sipato' jaina tau natahanga ke'nanga.

1 PETRUS 4:17

Narapi'mi wattunna laNaadeli Allata'ala linoa. Na Umma' KalenNa Allata'ala laniadeli la'bi riolo. Jari punna lappakkaramula angngadeli Allata'ala ri katte, antekammami kajarianna sikamma tau tenaya natappa' ri anjo Kabara' Baji' battua ri Allata'ala?