OBAJA 1:14 - KITTA' MATANGKASA'

¹⁴ Tena numusti ammenteng ri panyingkulu'na aganga, untu' angngadangi tau laria ampilari musua, yareka ampassareangi ke'nanga mae ri balia ri allo natujuna ke'nanga kasusaang.”

OBAJA 1:14 ပူးပေါင်းရင်းမြစ်များ

PAMMUJI 31:8

Rannua' na kuma'reja-reja saba' tuli Kikamaseanga'. IKatte anciniki pa'risikku na Kiparhatikang kasusaangku.

YESAYA 16:3

Nakana ke'nanga mae ri Yehuda, “Paumi apa musti nagaukang ikambe. A'jari mako pa'la'langang mae ri kambe ri wattu bambanna alloa, siagang lappassammi ammantang ikambe lalang ri la'langannu. Ikambe anne tau lariki; cokkoi ikambe siagang teako alle bokoi ikambe.

YESAYA 16:4

Saremi ikambe ising annumpang ri pa'rasangannu. La'langimi ikambe mae ri tau eroka ampanraki ikambe.” (Panjallakkanga siagang pammanrakia nia' kala'busanna, siagang sikamma tau angngancurukai siagang tau anjallakkangai pa'rasangang Israel lalanynyaki.

YESAYA 37:3

Iaminne pasanna Hizkia napabattua ke'nanga mae ri Na'bi Yesaya, “Anne alloa, allo kasusaang; nihukkungki' siagang nihinaki'. Rapangki' baine erokamo ammana', mingka la'busu'mi kagassinganta.

YEREMIA 30:7

Battumi allo sannaka heba'na, allo tenaya sangkammanna. Untu' ummakKu, anjo alloa appakalussaki; mingka laKupasalamaki ke'nanga.”

AMOS 1:6

Nakana Batara, “Pandudu'na Gaza a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa nabalukang salaku ata mae ri tu Edom.

AMOS 1:9

Nakana Batara, “Pandudu'na Tirus a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa napassareang mae ri Edom; nadakkai ke'nanga parjanjiang passari'battanganna.

OBAJA 1:12

Tena nusiratang lasannang nyawanu mae ri sare kodina tu Yehuda siagang rannu pa'mai'nu ri allo kapanrakanna anjo sari'battannu. Tena nusiratang a'bicara lompo ri wattu natujuna susa.

MATIUS 22:9

Kamma-kamma anne a'lampamako mange ri agang-agang lompoa nanukio' ngaseng tau jaia battu mae assua'-suara'.’