OBAJA 1:10 - KITTA' MATANGKASA'

¹⁰ “Le'bakko a'gau' palla' mae ri sikamma sari'battannu iamintu jari-jarina Yakub. Lanri kammana anjo laKupanrakiko siagang nicallako ri taua lalang sikontuna jammanga.

OBAJA 1:10 ပူးပေါင်းရင်းမြစ်များ

PA'JARIANG 27:11

Mingka nakanamo Yakub ri amma'na, “Amma', sai anjo kalenna Esau a'bului, nampa kalengku nakke tena?

PA'JARIANG 27:41

Jari a'jari birisi'mi Esau mae ri Yakub, lanri le'ba'na napassareang barakka'na manggena mae ri anjo andi'na. Nakanamo nawa-nawana, “Tenamo nasallo namate bapakku. Punna le'ba' ta'lappasa' allo kasusaanga, lakubunoi anjo Yakub!”

PAMMUJI 109:29

Boli'mi kamma tau antudua' nikalimbuki ri kahinaang, siagang siri'-siri' angkalimbuki ke'nanga sanrapang juba.

PAMMUJI 132:18

Tuli lasalewangangi kakaraenganna, mingka musu-musunna lanipakasiriki.”

PAMMUJI 137:7

O, Batara, Kiu'rangi panggaukanna tu Edom ri wattunna niancuru' Yerusalem. Nakana ke'nanga, “Rumbangi, rumbangi sa'genna naung ri lappara'na!”

PAMMUJI 69:7

TeaKi' balang parekangia' appakasiri' mae ri tau manrannuanga ri Katte, o, Batara, Allata'ala Kaminang Koasaya. TeaKi' balang parekangia' angngerang paccalla mae ri sikamma tau anynyombaya mae ri Katte, o, Allata'alana Israel!

PAMMUJI 89:45

Kipa'lebaki koasa accayana, Kipatappasaki naung ri butta empoang kakaraenganna.

PANGNGEBARANG 10:6

Tau bajika langgappai barakka'. Kapallakkanga taccokkoi ri bokona kana-kananna tau ja'dalaka.

PANGNGEBARANG 17:5

Inai ancau-caui tu kasi-asi puppusuka, nahinai Allata'ala Mappa'jarina. Inai rannu lanri kasusaanna tau maraenga, mattantu anggappana hukkungang.

YEREMIA 12:14

Nakana Batara, “Iaminne pasangKu ri passala'na bansa-bansa singngampi'na Israel, ampanrakiai pa'rasangang Kupassareanga mae ri ummakKu Israel. Rapang lamung-lamung nibi'buka battu ri buttaya, kamma tomminjo sikamma tau ja'dalaka laKupasuluki battu ri sikamma pa'rasanganna ke'nanga, kammayatompa laKulappassangi Yehuda battu ri panna'gallanna ke'nanga.

YEREMIA 3:25

Jari, boli'mi kamma siri'-siri' ikambe, siagang boli'mi kamma a'jari tuna ikambe. Nasaba', ikambe siagang boe-boena ikambe doraka ngasemmaki' ri Karaeng Allata'ala, kammayatompa tenale'bakaki' mannuruki ri parenta-parentaNa.”

YEREMIA 49:13

AssumpA' lanri areng KalengKu angkanaya kota Bozra la'jari tampa' appakamallaki, nibokoia ri taua. Lanikakkali ri taua siagang lanapakei arenna a'jari kana pattunra. Sikontu desaya niaka ri tammulilina la'jari rumbangngang kabusuki sa'genna satunggu-tungguna. INakke, Batara, anne akkana.”

YEREMIA 51:51

Nukana, ‘Nihinai siagang nipakasiriki ikambe; tappela'mi siri'na ikambe lanri bansa maraenga ampammantangngi kamara'-kamara' tangkasaka ri Balla'Na Batara.’

PIRAUNG 4:21

He bansa Edom siagang Us, ammakkala' mako, rannu mako lalang nukullena! Balaya labattu tongi mae ri kau na lanusolarri kalennu lanri nasa'ringko.

PIRAUNG 4:22

Le'ba'mi najappai Sion hukkunganna lanri dosa-dosa nagaukanga ke'nanga; kamma-kamma anne tenamo nalaNibalang parekang ikambe ri Batara na tenamo kilaNierang pole mange ri pammelakkanga. Mingka ikau Edom, laNihukkungko ri Batara. Lanisungkei sikamma dosa-dosanu.

YEHEZKIEL 35:9

Pa'rasangannu laKupa'jari parang lompoi untu' satunggu-tungguna, siagang kota-kotanu tenamo nalanipammantangngi ri taua. Jari lanuassemmi angkanaya iNakkemi Batara.

YEHEZKIEL 7:18

Lammakei ke'nanga kaeng karung siagang lannekkereki sibatu kale. Lanigondoloki ulunna ke'nanga siagang lanipakasiriki ke'nanga.

YO"EL 3:19

Mesir la'jari parang kalotoroki, Edom la'jari rosoki, tena tau ampammantangngi. Nasaba' le'baki nabunduki tu Yehuda, siagang nabuno pandudu'na pa'rasangang tenaya salana.

AMOS 1:11

Nakana Batara, “Pandudu'na Edom a'mole-molei doraka, lanri kammana anjo ma'nassa laKuhukkungi ke'nanga. Tena pangngamaseanna ke'nanga na nabunduki tu Israel, sari'battanna ngaseng ke'nanga. Tulusu' larrona ke'nanga, siagang tulusu' napari pa'mai'na kalarroanna.

MIKHA 7:10

Riolo nahinaki' musua nakana, “Kemaeji anjo Batara, Allata'alanu?” Mingka kamma-kamma anne lanaciniki ke'nanga apa Nagaukanga Batara untu' ikatte, siagang la'jari siri'-siri'mi ke'nanga. Laniciniki anjo musu-musunta nibeta siagang nionjo'-onjokang rapang peo' ri aganga.

PAOLE 23:7

Teako cini' tunai tu Edom, lanri anjo ke'nanga sari'battannu. Tea tongko cini' tunai tu Mesir, lanri le'bakko ammantang ri pa'rasanganna ke'nanga.

PAOLE 23:8

Appakkaramula ri lapisi' makatallua siagang jari-jarina ke'nanga akkullei a'jari anggota umma'Na Batara.”