OBAJA 1:1 - KITTA' MATANGKASA'

¹ Iaminne boto napabattua Na'bi Obaja; napabattui pasanNa Batara Kaminang Tinggia ri passala'na bansa Edom: Nakirimmi battu tunisuroNa Batara mae ri bansa-bansaya, siagang le'ba'mi nilangngere' pasang naeranga kamma anne, “Sadia mako untu' a'bundu'! Umba ki'lampa mange ambunduki bansa Edom.”

OBAJA 1:1 ပူးပေါင်းရင်းမြစ်များ

PA'JARIANG 25:30

Nakanamo ri Yakub, “Teai sipato' cipurukku. Saresa' sike'de' anjo campe' ejaya.” (Iaminjo saba'na naniareng Edom.)

PA'JARIANG 36:8

Jari anjo Esau niarenga todong Edom, ammantammi ri Daera Monconna Seir.

PA'JARIANG 36:9

Iaminne turunganna Esau, boe-boena tu Edom.

PAMMUJI 137:7

O, Batara, Kiu'rangi panggaukanna tu Edom ri wattunna niancuru' Yerusalem. Nakana ke'nanga, “Rumbangi, rumbangi sa'genna naung ri lappara'na!”

YESAYA 21:11

Iaminne pappasang ri passala'na Edom. Nia' tau akkio' battu ri Edom mae ri nakke, nakana, “He, pajaga, sallo ijakai anne bangngia? Pirang tetteppi nampa bari'basa'?”

YESAYA 21:12

Appialima' angkana, “Labattui bari'basaka, mingka bangngia pole. Punna erokko akkuta'nang, battu poleang mako akkuta'nang.”

YESAYA 30:4

Manna pole nabattumo sikamma tunisurona Yehuda mange ri kota-kota Zoan siagang Hanes ri Mesir,

YEREMIA 25:17

Jari kuallemi anjo kaca pangnginungang anggoroka battu ri limanNa Batara; nampa a'lampa' mange ri sikontu bansa kupa'lampaia Nasuro Batara; nampa kupainung ke'nanga anjo anggoroka.

YEREMIA 51:46

Teako mallakki yareka teako lussakki lanri sikamma kabara'-kabara' nulangngereka. Tunggala' taung tassiaraki kabara' simmara'-maraenga – nia' kabara' kapallakkang ilalang pa'rasangang siagang ri sesena karaeng-karaeng a'bunduka ri se'rea mae ri maraenga.

YEHEZKIEL 35:1

Nakana Batara ri nakke,

YO"EL 3:19

Mesir la'jari parang kalotoroki, Edom la'jari rosoki, tena tau ampammantangngi. Nasaba' le'baki nabunduki tu Yehuda, siagang nabuno pandudu'na pa'rasangang tenaya salana.

MIKHA 2:13

LanynyungkeA' oloang nampa Kuerangko assulu' battu ri pammelakkanga. Lanulappoi pakke'bu'-pakke'bu' lompoa nampa bebasakko a'lampa. INakke KalengKu, Batara, Karaennu, siagang iNakke lampimpingko assulu'.”

MATIUS 24:6

Lanulangngereki sallang sa'ra bunduka, kammayatompa kabara' pa'bundukanga. Mingka teako mallakki. Nasaba' anjo sikammaya lakajariang ngaseng memang tongi; mingka teaipi anjo wattua nabattu allo kiamaka.

MARKUS 13:7

Punna nia' nulangngere' sa'ra pa'bundukang, yareka kabara' pa'bundukang, teako mallakki. Yangasenna anjo lakajariang memangi, mingka tanarapikapi wattu kiamaka.