NEHEMIA 9:11 - KITTA' MATANGKASA'

¹¹ Untu' Kiparekang oloang ummatTa, kipuei tamparanga; Kipalimbangi ke'nanga ri butta kalotoro'na tamparanga. Tallang ngaseng lalang je'ne' sikamma tau angngondanga, sanrapang batu tallang ri tamparang karrasaka.

NEHEMIA 9:11 ပူးပေါင်းရင်းမြစ်များ

PAMMUJI 66:6

Napinrai tamparanga a'jari butta kalotoro', nalimbangngi boe-boena ikambe a'jappa bangkeng. Na marannumo ikambe lanri panggaukanNa.

PAMMUJI 78:13

Nabage ruai tamparanga, nampa napalimbang ke'nanga; napaentengi je'neka sangkamma tembo' pammantangngang je'ne'.

KALAPPASSANG 14:14

KalenNa Batara la'bundu' untu' ikau, na ikau tena apa-apa parallu lanugaukang.”

KALAPPASSANG 14:25

Napassala-salangi rodana karetaya sa'genna takkullea tapputara', sa'genna sanna' susana ke'nanga lamaju. Nakanamo tu Mesirka, “KalenNa Batara a'bundu' untu' tu Israel na nabaliangki'. Umba kilari battu anrinni!”

KALAPPASSANG 14:29

Mingka ri wattunna a'limbang tamparang tu Israelka, a'jappai ke'nanga lalang ri butta kalotoro'na tamparanga, siagang je'ne' niaka ri kananna siagang ri kairinna a'jari kammai tembo' nai'.

YEREMIA 32:20

Riolo dudu iKatte anggaukangi gau' appakalannasaka siagang apa-apa tenaya nantama ri akkala'na rupataua ri Mesir, siagang sa'genna pole kamma-kamma anne tuli Kigaukanna, baji' naritangnga-tangngana tu Israel kammayatompa ri tangnga-tangngana sikontu bansa maraenga. Lanri kammanami anjo NaKimasahoro' ri kere-keremae.

1 KORINTUS 10:1

Sikamma sari'battangku! Parallui nuu'rangi apa le'baka kajariang ri boe-boeta ri wattunna amminawang ke'nanga ri Musa. Nila'langi ke'nanga siagang rammang, siagang nipasalamaki ke'nanga a'limbang ri Tamparang Ejaya.

IBRANI 11:29

Lanri tappa'na, nakkullemo tu Israelka a'limbang ri Tamparang Ejaya, sangkamma le'ba' angkana irateji ri butta kalotoroka a'jappa ke'nanga. Naia tu Mesirka nia'lu'mi ri anjo tamparanga, ri wattunna nacoba todong ke'nanga a'limbang.

PAPPICINI' 18:21

Le'baki anjo, nia'mo malaeka' sannaka kassa'na angngangka' se're batu lompo, sangkamma batu pa'giling sannaka lompona, nampa napasambila antama' ri tamparanga, siagang nakana, “Kammaminne batena anjo kota Babel masahoroka lanipasambila sarring, sa'genna tenamo nalanibuntulu' ammotere'.