NEHEMIA 8:18 - KITTA' MATANGKASA'

¹⁸ Tuju alloi sallona ke'nanga assua'-suara'. Allo-allona nabacai Ezra bageang-bageang niaka lalang ri anjo kitta' HukkunNa Allata'ala. Ri allo makasagantuju appare'mi acara untu' antongkoki anjo passua'-suarranna ke'nanga, situru' paratorang Hukkunga.

NEHEMIA 8:18 ပူးပေါင်းရင်းမြစ်များ

NEHEMIA 8:2

Nampa naerammo Ezra anjo kittaka mae ri dallekanna anjo pa'rappungang tau jaia, iamintu bura'ne, baine siagang ana'-ana' anggannakamo umuru'na untu' akkulle ampahangi.

NEHEMIA 8:3

Nampa appakaramula bari'basa' sa'genna tangngallo nabaca Ezra anjo kitta' Hukkunga mae ri ke'nanga. Na yangasenna ke'nanga mappilangngeri baji'mi.

KAIMANGNGANG 23:41

Anjo passua'-suarranga musti nugaukangi tuju allo sallona. Anjo paratoranga musti nigaukangi ri jari-jarinu sa'genna satunggu-tungguna.

PAMMILANGNGANG 29:35

Ri allo makasagantujua musti asse're ngasengko untu' anggaukangi ibadaya siagang takkulleako anggaukangi jama-jamang battalaka.

YOHANES 7:37

Ri allo kala'busanna anjo passua'-suarranga, iamintu allo kaminang parallua, ammentemmi Isa lalang ri Balla'Na Batara. Nampa a'gora Nakana, “Inai-nai turere, musti battui ri Nakke angnginung.