NAHUM 3:15 - KITTA' MATANGKASA'

¹⁵ Manna apa nugaukang, tena bua'-bua'na, lanri lala'busukko akkanre yareka lamateko lalang bundu'. Lalanynyakko rapang wassele' koko nikanre ri katimbang. A'bakka' mako katambang jainu rapang katimbang!

NAHUM 3:15 ပူးပေါင်းရင်းမြစ်များ

YESAYA 66:15

Tojeng, labattui Batara siagang pepe'; laNadongkoki karetaNa rapang anging lompo, untu' ampa'betteseki kalarroanNa, siagang angga'gara' lompo.

YESAYA 66:16

Saba' sikontu tau nigappaya nia' salana lanihukkungi siagang pepe' na pa'dang, siagang jaimi nihukkung mate.

YEREMIA 51:14

Batara Kaminang Koasaya assumpai lanri areng KalenNa angkanaya lappabattui tau rapang katimbang jaina untu' ambunduki Babel, siagang akkio'-kioki ke'nanga napakamma rannu lanri ammetana.

YO"EL 1:4

Katimbang sannaka jaina takkullea nibilang, a'dangka' ri kokoa ampaccappuki wassele'na. Apa nasesaya anne katimbanga, nipaccappuki ri katimbang maraengannaya.

YO"EL 2:25

LaKusambei sikontu karugiannu ri taung-taung nakanrena katimbang wassele' lamung-lamunnu. Nasaba' iNakke angkiringi battu anjo pasukang katimbanga mae ri kau.

AMOS 7:1

Anggappa' se're paccini' battu ri Batara Kaminang Tinggia. Kuciniki appare' sanna' jaina katimbang ri wattu le'ba'na taua ampangngalleangi ruku' karaenga, siagang appakkaramula attimbo poleang ruku' berua.

NAHUM 2:13

Nakana Batara Kaminang Tinggia, “INakke anne musunnu. LaKutunui kareta-karetanu sa'genna cappu'. Lamatei tantaranu lalang ri pa'bundukanga, siagang laKuallei battu ri kau sikontu apa le'baka nualle battu ri tau maraenga. Sikamma apa natuntuka tunisuronu tenamo lanilangngere'.”

NAHUM 3:13

Sikamma tantaranu lammai sangkamma baine, siagang pa'rasangannu tena sikali pakkullena andallekangi musua. Pepeka lanapammutungi sikamma balo' panjolina pakke'bu' lomponu.

ZEFANYA 2:13

Le'baki anjo laNapakemi Batara kakoasanNa untu' angngancuruki Asyur. Kota Niniwe lanipa'jari sino sikali siagang nipa'jari butta kalotoro'.