NAHUM 2:13 - KITTA' MATANGKASA'

¹³ Nakana Batara Kaminang Tinggia, “INakke anne musunnu. LaKutunui kareta-karetanu sa'genna cappu'. Lamatei tantaranu lalang ri pa'bundukanga, siagang laKuallei battu ri kau sikontu apa le'baka nualle battu ri tau maraenga. Sikamma apa natuntuka tunisuronu tenamo lanilangngere'.”

NAHUM 2:13 ပူးပေါင်းရင်းမြစ်များ

2 KARAENG-KARAENG 18:17

Mingka anjo karaeng Asyur akkiringi battu ri Lakhis pasukang lompo untu' ambunduki Yerusalem. Anjo pasukanga nipimpingi ri tallu perwira tinggia pangka'na, iamintu sitau panglima, sitau paurusu' inungang, siagang sitau kapala pangawala'na karaenga. Ri wattunna battu ke'nanga mange anjoreng ri kotaya, angngallemi ke'nanga tampa' ri kokoa, iamintu niarenga Koko Penatu ri ampi'na solongang a'lo'loroka battu ri balang bageang iratea.

2 KARAENG-KARAENG 18:19

Kalase'renna anjo perwira tantarana Asyur angkana ri ke'nanga, “Pabattuangi Karaeng Hizkia anne kananna karaeng Asyur angkanaya, ‘Angngapa nanukana kalennu kassa'?

2 KARAENG-KARAENG 19:23

Akkiringko tau untu' a'bicara tena bua'-bua'na angkanaya lanri jaina kareta bundu'nu nakkulle nubeta moncong-moncong kaminang tinggia ri Libanon. Nupattampo-tampoangi angkanaya nuta'bangi poko'-poko' camara kaminang tinggina siagang kaminang ga'gana kammayatompa nupantamakki romang-romang kaminang lompona.

2 KARAENG-KARAENG 19:9

Le'ba'mi anggappa karaeng Asyur kabara' angkanaya nia'mi lalang pa'jappang pasukang Mesir nipimpinga ri Tirhaka karaeng Sudan untu' battu ambunduki ke'nanga. Lanri kammana anjo, akkirimmi karaeng Asyur sura' mange ri Hizkia karaeng Yehuda.

2 PATTOTTORANG 32:19

Lalang bicaranna ke'nanga napasangkammai anjo Allata'ala nisombaya ri Yerusalem siagang rewata-rewatana bansa maraenga, iamintu patung-patung bate pare'na rupataua.

PAMMUJI 46:9

Umba, ciniki apa le'baka Nagaukang Batara; tamaka lompona bate pare'Na ri lino!

YEREMIA 21:13

Nampa Nakana Batara mae ri Yerusalem, “He Yerusalem! La'bi tinggiangngangi pa'dongkokannu nasikamma ka'bung lappara' niaka ri tammulilinu. Sangkammako bulu' batu ammenteng tinggia' nai' ri parang lapparaka, mingka iNakke langngewako. Nukana kalennu angkana tena manna sitau akkulle ambundukiko yareka anrumbangi tembo'-tembo' pattahangannu,

YEREMIA 46:14

“Yeremia, pa'la'bangi nupau anne kabaraka mae ri kota-kota Mesir, iamintu ri Memfis, Migdol siagang Tahpanhes, angkana, ‘Pasadiai kalennu untu' attahang, lanri sikontu apa-apa niaka ri kau lanipanraki lalang pa'bundukang!

YEREMIA 50:31

Babel, ikau tinggi langga duduko! Lanri kammana anjo, iNakke, Batara Kaminang Tinggia, Allata'ala Kaminang Koasaya, angngewako. Narapi'mi wattunnu Kuhukkung.

YEREMIA 51:25

He Babel, ikau rapangko moncong ampanrakiai sikontu linoa. Mingka iNakke, Batara, angngewako. LaKupasintakko siagang Kugulungko nampa Kubalang parekangko nikanre ri pepe' a'jari au.

YEHEZKIEL 21:3

angkanaya iNakke, Batara, akkana kamma anne, ‘INakke anne musunnu. LaKubi'buki pa'dangKu nampa Kubuno ngasengko, tau ja'dalaka siagang tau bajika.

YEHEZKIEL 26:3

Nakana Batara Kaminang Tinggia, “INakke musunnu he Tirus! LangngerangA' jai bansa battu untu' ambundukiko, siagang labattui ke'nanga sanrapang bombanna tamparanga.

YEHEZKIEL 28:22

Pabattui mae ri pandudu'na angkana iNakke, Batara Kaminang Tinggia, angkana ri ke'nanga, ‘INakke anne musunnu Sidon. LanapaleceA' taua lanri tindakangKu mae ri kau. Ri wattunna Kuhukkung pandudu'nu, naassemmi pandudu'nu angkanaya iNakkemi Batara matangkasaka.

YEHEZKIEL 29:10

jari iNakkemi a'jari musunnu, siagang musunna anjo Nil binanganu. Sikontu Mesir laKupa'jari butta sino appakkaramula battu ri kota Migdol bageang wara' sa'genna kota Aswan ri bageang timboro', sa'genna pa'baeng-baenna Sudan.

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

YEHEZKIEL 35:3

Pabattui mae ri pandudu'na apa Kupaua, iNakke, Batara Kaminang Tinggia mae ri ke'nanga angkana, ‘INakke anne musunnu, he pandudu'na daera monconna Edom! Buttanu laKupa'jari sino sikali tena bonena, siagang kota-kotanu la'jari loro-loroi. Nalanuassemmo angkanaya iNakkemi Batara.

YEHEZKIEL 38:3

Paui mae ri ia angkana iNakke, Batara Kaminang Tinggia, musunna.

YEHEZKIEL 39:1

Nakana Batara Kaminang Tinggia, “He tau, ancangi Gog, karaeng lompo battua ri pa'rasangang Mesekh siagang Tubal, siagang pauangi angkanaya iNakke anne musunna.

YEHEZKIEL 5:8

Jari iNakke, Batara Kaminang Tinggia, Kupa'nassai angkanaya iNakke musunnu. LaKuhukkungko ri dallekanna bansa-bansa maraenga.

NAHUM 2:12

Riolo anjoreng singaya najakkala' apa lanakanrea, nampa nabage-bage dagenna mae ri singa ganaya siagang ana'na. Napirassi leanna siagang toppa'-toppa' dageng wassele' nagappaya naondang.

NAHUM 3:1

Cilakai anne kota rassia balle-balle siagang pammunoang; rassia barang-barang nirampasa' yareka nialle passa.

NAHUM 3:12

Sikontu pattahangannu larapangi poko' ara sannaka jaina rapponna ti'nokamo. Punna nige'goso' anjo poko'na, latu'guruki rapponna ngaseng antama' ri bawana tau eroka angkanrei.

NAHUM 3:15

Manna apa nugaukang, tena bua'-bua'na, lanri lala'busukko akkanre yareka lamateko lalang bundu'. Lalanynyakko rapang wassele' koko nikanre ri katimbang. A'bakka' mako katambang jainu rapang katimbang!

NAHUM 3:5

Nakana Batara Kaminang Koasaya, “He Niniwe laKusessako! Kusungkei pakeannu ri dallekanna bansa-bansaya, sa'genna nacini' ngaseng ke'nanga kodinu.

YOSUA 11:6

Nakanamo Batara mae ri Yosua, “Teako mallakki mae ri ke'nanga. Ri wattu kamma-kammaya anne ammuko, le'ba' ngasemmi Kubuno ke'nanga lanri tu Israel. Musti nupesoki jaranna ke'nanga, siagang musti nutunui kareta-kareta pa'bundukanna ke'nanga.”

YOSUA 11:9

Nagaukammi Yosua mae ri ke'nanga situru' apa Naparentakanga Batara: napesoki jaranna ke'nanga, siagang natunui kareta-kareta bundu'na ke'nanga.