MATIUS 9:6 - KITTA' MATANGKASA'

⁶ Mingka kamma-kamma anne erokKa' ampa'buttiangko angkanaya makoasai Ana' Ma'rupataua ampammopporangi dosaya ri lino.” Nampa Nakana Isa ri anjo tau pesoka, “Ambangungko nai', angkaki katinroannu, siagang ammotere' mako!”

MATIUS 9:6 ပူးပေါင်းရင်းမြစ်များ

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

MATIUS 8:20

Appialimi Isa Nakana, “Kongkong romanga nia' pammantanganna; kammayatompa jangang-janganga nia' ru'munna. Mingka Ana' Ma'rupataua manna laNapappadongkoki ulu tena todong.”

MATIUS 9:2

Battuna mange anjoreng, nia'mo se're tau peso' nierang rate ri katinroanga mae ri Isa. Nacini'na Isa antekamma lompona tappa'na ke'nanga, Nakanamo ri anjo tau pesoka, “Sa'barakko na'! Nipammopporammi dosa-dosanu.”

MATIUS 9:5

Kereanga la'bi gampang: angkanaya ‘Nipammopporammi dosanu’, yareka angkanaya ‘Ambangungko nai' nu'jappa’?

MATIUS 9:7

Ambangummi nai' anjo tau pesoka, nampa ammotere' mange ri balla'na.

MARKUS 2:10

Mingka kamma-kamma anne eroki Kupa'butti mae ri kau ngaseng angkanaya ri tompo'na anne buttaya makoasai Ana' Ma'rupataua ampammopporangi dosa-dosaya.” Nampa Nakanamo Isa ri anjo tau pesoka,

MARKUS 2:7

“Baranina anne taua akkana kamma! Nahinai Allata'ala. Inai akkulle ampammopporangi dosaya, pantaranganna Allata'ala bawang?”

LUKAS 5:21

Sipa'bicarami guru-guru agamaya siagang tu Farisia nakana, “Inai anne taua nabarani kamma anghinai Allata'ala? Inai akkulle ampammopporangi dosaya, pantaranganna Allata'ala?”

YOHANES 10:28

Kusarei ke'nanga katallassang satunggu-tunggua, natena nalapanra' ke'nanga sa'genna satunggu-tungguna. Tena manna sitau akkulle angngalle passai ke'nanga battu ri limangKu.

YOHANES 17:2

Le'ba'mi Kipassareang mae ri AnatTa koasaya irateanna sikontu rupataua, sollanna akkulle Nasare katallassang mannannungang sikamma tau Kikellaia nisare.

YOHANES 5:27

Nasaremi koasa Ana'Na untu' angngadeli rupataua, nasaba' Iami Ana' Ma'rupataua.

YOHANES 5:8

Nakanamo Isa ri ia, “Ambangungko nai', angkaki tappere'nu siagang a'jappa mako.”

LAMPA-LAMPANA 5:31

Siagang nisaremi ri Allata'ala empoang siagang kakoasang matinggi, a'jari Pamimping siagang Mappasalamaka; sollanna nisare kasampatang bansa Israel untu' a'jari toba' battu ri dosa-dosana na nipammopporang.

LAMPA-LAMPANA 9:34

Nakanamo Petrus ri Eneas, “O Eneas, kamma-kamma anne Naballeiko Isa Almasi. Ambangung mako nai' nanupakabaji' katinroannu.” Ambangung memammi Eneas anjo wattua.

2 KORINTUS 2:10

Punna nupammopporang tau le'baka kasalang mae ri kau, inakke pole kupammopporang tongi anjo taua. Nasaba' apa le'baka kupammopporang – punna nia' memang todong parallu nipammopporang – kupammopporangi ri dallekanNa Almasi, untu' kabajikannu ngaseng.

2 KORINTUS 5:20

Jari ikambemi anne tunisuroNa Almasi. A'bicarami ikambe sangkamma angkanaya KalenNa Allata'ala a'bicara mae ri kau ngaseng lalang ri kalenna ikambe. Lalang arenNa Almasi, nanapala' dudumo ikambe sollanna nujamakkimo limanNa Allata'ala assareako oloang nukkulle assibajiki siagang KalenNa.

EFESUS 4:32

Paralluko baji' ati siagang tuna pa'mai' mae ri massing para ikau; kammayatompa massing sipammopporangko, sangkamma todong Napammopporangko Allata'ala tete ri Almasi.

KOLOSE 3:13

Musti sa'barakko mae ri parannu tau, siagang massing sipammopporangko punna sipammolikangko larro mae ri parannu tau. Nangaiko Napammopporang Batara; jari musti ero' tongko massing sipammopporang.