MATIUS 9:5 - KITTA' MATANGKASA'

⁵ Kereanga la'bi gampang: angkanaya ‘Nipammopporammi dosanu’, yareka angkanaya ‘Ambangungko nai' nu'jappa’?

MATIUS 9:5 ပူးပေါင်းရင်းမြစ်များ

MATIUS 9:2

Battuna mange anjoreng, nia'mo se're tau peso' nierang rate ri katinroanga mae ri Isa. Nacini'na Isa antekamma lompona tappa'na ke'nanga, Nakanamo ri anjo tau pesoka, “Sa'barakko na'! Nipammopporammi dosa-dosanu.”

MATIUS 9:6

Mingka kamma-kamma anne erokKa' ampa'buttiangko angkanaya makoasai Ana' Ma'rupataua ampammopporangi dosaya ri lino.” Nampa Nakana Isa ri anjo tau pesoka, “Ambangungko nai', angkaki katinroannu, siagang ammotere' mako!”

MARKUS 2:5

Nacini'na Isa antekamma lompona tappa'na ke'nanga, Nakanamo ri anjo tau pesoka, “O anakKu, nipammopporammi dosa-dosanu.”

LUKAS 5:20

Ri wattunna Nacini' Isa antekamma tappa'na ke'nanga, Nakanamo ri anjo tau pesoka, “Sari'battang, nipammopporammi dosanu.”

LUKAS 7:48

Nampa Nakana Isa ri anjo bainea, “Nipammopporammi dosa-dosanu.”

LAMPA-LAMPANA 3:16

Nucini'mi siagang nusa'bimi apa kajarianga ri kalenna anne tau pesoka. A'jari baji'mi siagang gassimmi ammotere' lanri tappaki mae ri Isa siagang kakoasanNa. Lanri tappa'na mae Isa, a'jari baji'mi ammotere' anne taua ri dallekannu ngaseng.

LAMPA-LAMPANA 9:34

Nakanamo Petrus ri Eneas, “O Eneas, kamma-kamma anne Naballeiko Isa Almasi. Ambangung mako nai' nanupakabaji' katinroannu.” Ambangung memammi Eneas anjo wattua.