MATIUS 9:32 - KITTA' MATANGKASA'

³² Ri wattunna a'lampamo anjo tau ruaya, nia'mo pole se're tau pepe siagang nisoso' ri setang nierang mae ri Isa.

MATIUS 9:32 ပူးပေါင်းရင်းမြစ်များ

YESAYA 35:6

Tau pesoka la'lumpa'-lumpaki rapang jonga, tau pepea lakkio' rannui. Saba' timbuseng je'neka tassolommi ri parang luaraka, a'lo'loro'mi binangaya ri parang lompoa,

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

LUKAS 11:14

Ri se'reang allo, nia' se're tau pepe napantamakki setang, na Nabongka Isa assulu' anjo setanga battu lalang ri kalenna anjo tau pepea. Assulu'namo anjo setanga, appakkaramulami anjo taua a'bicara. Jaimi tau lannasa'.