MATIUS 9:29 - KITTA' MATANGKASA'

²⁹ Jari Najamami Isa matanna ke'nanga siagang Nakana, “Lanri tappa'nu, a'jarimi ri kau apa numinasaia.”

MATIUS 9:29 ပူးပေါင်းရင်းမြစ်များ

MATIUS 15:28

Nakanamo Isa ri anjo bainea: “Ibu', teai sipato' lompona tappa'nu. Boli'mi kamma na'jarimo apa nukaerokia!” Apaji naia memang anjo wattua na'jari baji' poleammo ana'na anjo bainea.

MATIUS 20:34

Tu'guru'mi pangngamaseanNa Isa ri ke'nanga. Najamami matanna ke'nanga, nakkulle memammo accini' silalonna. Nampa amminawammi ke'nanga ri Isa.

MATIUS 8:13

Le'baki anjo Nakanamo Isa mange ri anjo perwiraya, “Ammotere' mako mange ri balla'nu, a'jarimi antu apa nukatappakia.” Naanjo wattua baji' memammi ri garrinna pajamana anjo perwiraya.

MATIUS 9:22

Anjo wattua assailemi Isa, naNaciniki anjo bainea. Siagang Nakanamo ri anjo bainea, “Sa'barakko na'! Lanri tappa'nu ri Nakke, a'jari baji' mako ri garrinnu!” A'jari baji' memammi silalonna anjo bainea.

MATIUS 9:28

Ri wattunna antama' Isa ri se'reang balla', battumi anjo ruaya tau buta mae ri Isa. Akkuta'nammi Isa ri ke'nanga Nakana, “Maka nupatappaki angkanaya akkulleko Kubajiki sa'gennu accini'?” Appialimi ke'nanga angkana, “Iye' tappaki ikambe!”

MARKUS 10:52

Nakanamo Isa, “A'lampamako, nipakabaji' mako ri tappa'nu.” Anjo wattua accini' memammi silalonna anjo tau butaya. Nampa a'lampa amminawang ri Isa.