MATIUS 9:26 - KITTA' MATANGKASA'

²⁶ Alla'bammi anjo kabaraka ri sikontu anjo daeraya.

MATIUS 9:26 ပူးပေါင်းရင်းမြစ်များ

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

MATIUS 9:31

Mingka a'lampa tonji ke'nanga napa'la'bang anjo kabara' Nagaukanga Isa ri sikontu anjo daeraya.

MARKUS 1:28

Linta'mi tassiara' mange-mange kabara'na Isa ri sikontu daera Galilea.

MARKUS 1:45

Mingka a'lampaji anjo taua na tuli nacarita mange-mange anjo apa kajarianga. Sa'genna takkulleami Napappicinikang KalenNa Isa punna antama' ri kotaya. Pantaranganna mami kotaya ri tampa' sino-sinoa ammantang. Mingka tuli jaina tau battu ri kere-keremae, battu mae ri Ia.

MARKUS 6:14

Sikamma kabara'na anjo kajarianga battu tommi mae ri Karaeng Herodes. Nasaba' a'la'bammi niasseng mange-mange arenNa Isa. Nia'mo tau angkana, “Attallasa' poleammi Yohanes Paje'ne'! Iaminjo saba'na na nia'mo koasana anggaukangi anjo gau'-gau' appakalannasaka.”

LUKAS 4:14

Le'baki anjo ammotere'mi Isa mange ri Galilea. Na nikoasai ri RohNa Allata'ala. Tassiara'mi kabara'Na ri sikontu anjo daeraya.

LUKAS 4:37

A'la'bammi kabara'Na Isa ri sikontu anjo daeraya.

LUKAS 5:15

Mingka pila' tassiara'mi kabara'Na Isa ri kere-keremae. Jaimi tau battu ero' ampilangngeri apa Napabattua, siagang ero' assuro ballei garrinna ke'nanga.

LUKAS 7:17

Tassiara'mi anne kabara'Na Isa ri sikontu Yudea siagang daera-daera niaka ri tammulilina.

LAMPA-LAMPANA 26:26

Kalenna Karaeng Agripa angngasseng bajiki sikamma anjo passalaka. Iaminjo saba'na nakubarani a'bicara silambusu'na ri dallekanna karaenga. Tappaka' angkanaya tena manna sirupa anjo passalaka tanaassengapa karaenga, nasaba' tena nanjoreng ri tampa' kacokkoanga kajariang sikamma anjo passalaka.