MATIUS 9:19 - KITTA' MATANGKASA'

¹⁹ Ammentemmi Isa nampa a'lampa siagang ana'-ana' gurunNa amminawang mange ri balla'na anjo taua.

MATIUS 9:19 ပူးပေါင်းရင်းမြစ်များ

MATIUS 8:7

Nakanamo Isa, “ErokKa' a'lampa mange amballei, sollanna a'jari baji'.”

MATIUS 9:18

Ri wattunna a'bicara Isa siagang ana'-ana' gurunna Yohanes Paje'ne', nia'mo sitau pamimping balla' sambayang battu. Akkulantuki ri dallekanNa Isa nampa nakana, “Silalonna mate ana' baineku. Mingka kuminasaiKi' naKimange ampadongkoki lima, sollanna attallasa' poleang.”

MATIUS 9:20

Ri tangngana aganga, nia'mo sitau baine battu ri boko a'reppese' mae ri Isa. Anjo bainea sampulomi anrua taung garring nalari cera'. Na nakana pikkiranna, “Manna kuseroja bawang jubaNa, akkullema' a'jari baji' ri garringku.” Jari naseromi jubaNa Isa.

YOHANES 4:34

Nakanamo Isa, “Ia kanreKu iNakke, iamintu anturuki ero'Na Ia assuroA' battu, siagang ampa'le'baki jamang-jamang Napassareanga ri Nakke.

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.