MATIUS 9:18 - KITTA' MATANGKASA'

¹⁸ Ri wattunna a'bicara Isa siagang ana'-ana' gurunna Yohanes Paje'ne', nia'mo sitau pamimping balla' sambayang battu. Akkulantuki ri dallekanNa Isa nampa nakana, “Silalonna mate ana' baineku. Mingka kuminasaiKi' naKimange ampadongkoki lima, sollanna attallasa' poleang.”

MATIUS 9:18 ပူးပေါင်းရင်းမြစ်များ

2 KARAENG-KARAENG 5:11

Nalangngere'na anjo kana kammaya larromi Naaman nampa nakana, “Kupikkiriki angkanaya kalenna lassulu' ambuntulia', siagang appala' doang mae ri Batara, Allata'alana, kammayatompa napagio' limanna irateanna anne kalengku garringa nampa a'jari bajikka'.

MATIUS 14:33

Su'ju' ngasemmi ana'-ana' gurunNa Isa anynyomba ri Ia. Angkanami ke'nanga, “Ma'nassa tojeng, iKattemi Batara Ana'Na Allata'ala!”

MATIUS 15:25

Battumi anjo bainea su'ju' ri dallekanNa Isa angkana, “Kitulullaloa' tuang!”

MATIUS 17:14

Ri wattunna ammotere' ke'nanga mange anjoreng ri tau jaia, nia'mo sitau bura'ne battu su'ju' ri dallekanNa Isa.

MATIUS 20:20

Le'baki anjo battumi bainenna Zebedeus siagang ana'-ana'na andallekang ri Isa. Su'ju'mi ri dallekanNa Isa. Nia' ero' napala'.

MATIUS 28:17

Nacini'na ke'nanga Isa anjoreng, su'ju'mi ke'nanga anynyomba ri Ia. Mingka nia' todong ri ke'nanga bata-bata.

MATIUS 8:2

Anjo wattua nia' tommo se're tau garring sala battu akkulantu' ri dallekanNa Isa angkana, “O, Bapa', punna Kierokangi akkulleKi' amballeia' ku'jari baji' ri garringku.”

MATIUS 8:25

Battumi ana'-ana' gurunNa akkiok-kio' anronrongi nakana, “Bapa', natujuki' bala, tulungi ana'-anatTa!”

MATIUS 9:17

Kammayatompa, tenanniakka tau ammoli' anggoro' beru ri pammantangang lajappokamo. Nasaba' tena tareppe'na anjo pammantanganna, sa'genna tappela'-pela'mo anjo anggoroka. Jari anjo anggoroka musti anjorengi ri pammantangang berua todong niboli', sollanna tuli baji' anjo anggoroka siagang pammoneanna.”

MATIUS 9:19

Ammentemmi Isa nampa a'lampa siagang ana'-ana' gurunNa amminawang mange ri balla'na anjo taua.

MATIUS 9:24

Nakanamo Isa ri ke'nanga, “Assulu' ngasengko! Katena namate anne anaka, mingka attinronaja.” Ammakkala'mi taua angkakkali Isa.

LUKAS 13:14

Larromi kapalana anjo balla' sambayanga, lanri Naballeina anjo bainea ri allo Pammari-marianga. Jari nakanamo ri taua ngaseng, “Nia' annangallo akkulle nipake untu' anjama; lalang allo-allo kammaya minjo nubattu punna erokko niballei, teako ri allo Pammari-marianga nubattu!”

LUKAS 18:18

Nia' sitau pamimping tu Yahudi akkuta'nang ri Isa nakana, “O, Pa' Guru, baji' pa'maika, apa musti kugaukang sollanna kugappa katallassang sitojennaya siagang mannannunganga?”

LUKAS 7:2

Anjoreng nia' se're perwira surudadu Roma. Anne perwiraya, nia' palayanna, sannaka nakarimangnginna. Na anjo palayanna natabai garring sanna', siagang lamate dudumi.

YOHANES 11:25

Nakanamo Isa ri Marta, “INakkemi assarea katallassang siagang ampattallasa' poleangi tau matea. Inai-nai tappa' ri Nakke iami lattallasa', manna pole namatemo.

YOHANES 11:32

Ri wattunna battumo Maria mange ri tampa'na Isa siagang nacini'mi Isa, akkulantu'mi Maria ri dallekanNa Isa na nakana, “O Batara, ka'de' naKinia' anrinni anjo wattua, mattantu tenapa namate sari'battangku.”

LAMPA-LAMPANA 13:15

Ri wattunna le'ba' nibaca Kitta'na Musa siagang Kitta'na Na'bi-na'bia, nasuromi pamimping-pamimping balla' sambayanga akkuta'nang tau niaka hadere' mae ri Paulus siagang agang-aganna. Nakanamo pamimping balla' sambayanga mae ri Paulus siagang aganna, “Sikamma sari'battangku, punna nia' pappakainga' ero' nupabattuangi anne taua ngaseng, pabattuammi.”

LAMPA-LAMPANA 28:8

Anjo wattua sitabangi nataba garring rammusu' manggena anjo Publius. Jari a'lampami Paulus antoaki anjo tau garringa. Napadongko'mi limanna irateanganna anjo tau garringa nampa appala' doang, sa'genna a'jari baji'mo silalonna anjo taua.