MATIUS 9:17 - KITTA' MATANGKASA'

¹⁷ Kammayatompa, tenanniakka tau ammoli' anggoro' beru ri pammantangang lajappokamo. Nasaba' tena tareppe'na anjo pammantanganna, sa'genna tappela'-pela'mo anjo anggoroka. Jari anjo anggoroka musti anjorengi ri pammantangang berua todong niboli', sollanna tuli baji' anjo anggoroka siagang pammoneanna.”

MATIUS 9:17 ပူးပေါင်းရင်းမြစ်များ

AYUB 32:19

Punna a'mereki bawanja', lareppeka' kusa'ring, sanrapang pammoneang rassia siagang anggoro'.

PAMMUJI 119:83

Akkapurru'mi bukkulengku sanrapang pammoneang anggoro' toa, mingka tena nakukaluppai katantuanTa.

MATIUS 9:16

Tenanniakka tau annampeng baju toamo nakaeng beru ija napatampeng. Nasaba' punna assibeso' anjo baju toaya siagang anjo kaeng beru nipatampenga, tena tapila' a'jari luara'na kekke'na anjo baju toaya.

MATIUS 9:18

Ri wattunna a'bicara Isa siagang ana'-ana' gurunna Yohanes Paje'ne', nia'mo sitau pamimping balla' sambayang battu. Akkulantuki ri dallekanNa Isa nampa nakana, “Silalonna mate ana' baineku. Mingka kuminasaiKi' naKimange ampadongkoki lima, sollanna attallasa' poleang.”

MARKUS 2:22

Kammayatompa pole, punna nia' tau ammoli' anggoro' beru, tena nanjoreng ri pammoneang toaya na pammoliki. Nasaba' lareppeki anjo pammoneang toaya napakamma anjo anggoro' berua. Kale'bakkanna lanipela' rua-ruami. Jari anjo anggoro' berua, parallui niboli' ri pammoneang berua todong!”

LUKAS 5:37

Kammayatompa, tena tau ammoli' anggoro' beru lalang ri pammoneang toaya. Nasaba' lareppeki anjo pammoneang toaya napakamma anjo anggoro' berua. Jari latappelaki anjo anggoro' berua, napanra' todong anjo pammoneanga.

LUKAS 5:38

Anggoro' berua musti anjoreng tongi ri pammoneang berua niboli'.

YOSUA 9:4

Jari narancanakammi ke'nanga ero' ampa'dongo'-dongoki Yosua, kamma anne batena: napitekeki keledaina ke'nanga karung-karung toa siagang pammoneang-pammoneang anggoro' kodia ngasemmo, iamintu kukkuluka nipare'. Na salaku bokonna ke'nanga appasadiami