MATIUS 8:9 - KITTA' MATANGKASA'

⁹ Nasaba' manna inakke amminawang turu' tonja' ri parentana komandang irateangangku. Irawangangku nia' todong siapa are kupimping surudadu, amminawang turuka todong ri parentaku. Punna nia' surudadu kusuro angkana, ‘A'lampako,’ tena ta'lampana. Yareka punna kukana ri maraenganga, ‘Maeko anrinni,’ tena tabattuna mae; kammayatompa punna kuparenta tunisuro-suroku angkana, ‘Gaukangi anne!’ tena tanagaukanna anjo kupassuroanga.”

MATIUS 8:9 ပူးပေါင်းရင်းမြစ်များ

PAMMUJI 119:91

Sikontu niaka anne kamma, niaki lanri parentaTa, saba' yangaseng ke'nanga ata-atanTa.

PAMMUJI 148:8

he kila' siagang bosi eska siagang rammanga, anging kancang mannurukia ri parentaNa Batara!

MATIUS 8:10

Nalangngere'na Isa kananna anjo perwiraya, teaimi sipato' lannasa'na. Nakanamo ri sikamma tau niaka amminawang ri Ia, “Teai sipato' anne taua. Tenanniakkapa le'ba' Kubuntulu' tau lompo kammaya anne tappa'na ri alla'na tu Israel!

MATIUS 8:8

Mingka appialimi anjo perwiraya nakana, “Tea' maKi' mangei ri ballakku Bapa'. Nasaba' tena nakusiratang Kibattui ri ballakku. Kiparentakang mami bawang, ma'nassa la'jari baji'mi antu pajamaku.

MARKUS 1:27

Sikontu taua lannasa' sikalimi anciniki anjo passalaka. Sa'genna massing nakanamo para ia ke'nanga, “Idende' apami kutadeng anne? Iaminne pangngajarang beru! Lanri kakoasanNa siagang kala'biranNa na Nasuro roh-roh ja'dalaka assulu', siagang amminawang turu' anjo roh-roh ja'dalaka mae ri Ia!”

LUKAS 4:39

Mangemi Isa ri katinroanna anjo ibu', nampa Napela' assulu' anjo rammusu'na. Ammarimi anjo rammusuka; nambangung memammo silalonna matoang bainena Petrus, mange allayani ke'nanga.

LUKAS 7:8

Nasaba' manna inakke amminawang turu' tonja' mae ri parentana komandangku. Na irawangangku nia' todong siapa are jaina surudadu, na musti amminawang turu' tongi ri parentaku. Punna nia' tau sitau kusuro angkana, ‘A'lampako!’ ma'nassa tena ta'lampana; na punna kukana ri maraenganga, ‘Maeko anrinni!’ ma'nassa tena tabattuna mae. Siagang punna kusuro palayangku angkana, ‘Gaukangi anne!’ ma'nassa tena tanagaukanna.”

LUKAS 9:1

Nakio'mi Isa sampuloa anrua ana' gurunNa. Nampa Nasare ke'nanga koasa untu' ambongkai setanga, siagang amballei tau garringa.

KOLOSE 3:22

Ikau ngaseng a'jari palayanga! Lalang ri apa-apa mamo, paralluko amminawang turu' mae ri pinggawanu ri anne linoa. Teako naiaja bawang numminawang turu' punna niaki anjagaiko, lanri ero'nu nipalece. Turuki ke'nanga situlusu' pa'mai'nu, lanri nupakala'biri'na Batara.

TITUS 2:9

Sikamma ataya musti mappilangngeri mae ri pinggawana, siagang tuli napakasannangi atinna pinggawana lanri panggaukanna. Takkulleai ke'nanga pabali-bali,