MATIUS 8:29 - KITTA' MATANGKASA'

²⁹ Battu lalangi ke'nanga assulu' ri pa'jerakkanga akkiok-kio' angkana, “E Ana'Na Allata'ala! Apa ero' battu nugaukang ri kambe? Ero' mako battu ansessai kambe, manna tanarapikapa wattunna?”

MATIUS 8:29 ပူးပေါင်းရင်းမြစ်များ

2 SAMUEL 16:10

Mingka Nakanamo karaenga ri Abisai siagang Yoab daenna, “Teako jampangi anjo. Lappassammi nanatunraia'. Nasaba' punna Batara ansuroi, inaika akkulle angkuta'nangi angkana angngapa nappakamma anjo?”

2 SAMUEL 19:22

Mingka nakanamo Daud mae ri Abisai siagang Yoab daenna, “Teako pantama'-tamakki. Angngapa nanususai ngasenga'? Anne alloa inakke a'jari karaeng ammotere' mae ri Israel, siagang takkulleai nia' tu Israel nihukkung mate.”

1 KARAENG-KARAENG 17:18

Nakanamo anjo jandaya ri Elia, “AtanNa Allata'ala, angngapa nakigaukang anne kammaya mae ri nakke? Apaka battuki' mae untu' a'jari saba' naNau'rangi Allata'ala dosaku, sa'genna musti mate anakku?”

2 KARAENG-KARAENG 3:13

Nakanamo Elisa ri karaeng Israel, “Angngapa nuppala' tulung ri nakke? A'lampamako mange appala' tulung ri na'bi-na'bina tau toanu!” Appialimi Yoram angkana, “Tena! Nasaba' Batara anrancanakangi untu' ampassareangi anne ikambe sipattallu mae ri karaeng Moab.”

2 PATTOTTORANG 35:21

mingka akkirimmi pasang Nekho mae ri Yosia angkana, “Anne bunduka teai urusannu, karaeng Yehuda! Erokka' battu teai ikau lakuagang a'bali a'bundu', passangalinna untu' angngewai musu-musungku, siagang Nasuroa' Allata'ala akkaro-karo a'gio'. Agang mae ri nakke Allata'ala, lanri kammana anjo teako rompaia', gassingka ikau sallang niancuru'.”

YO"EL 3:4

LanuapA' anne, he Tirus, Sidon siagang sikontu daera Filistin? Maka erokko a'balasa' mae ri Nakke? Jari, tarimami pa'balasakKu lintaka battu mae ri kau.

MATIUS 4:3

Battumi billisika na nakana, “Sai Ana'Nako Allata'ala? Punna kamma, suromi anjo batu-batua a'jari roti.”

MATIUS 8:30

Tena nabella battu anjoreng ri tampaka, jai sikali bawi sitabang a'boya kanre.

MARKUS 1:24

“E, Isa tu Nazaret, apa ero' Nugaukang mae ri kambe? BattuKo ero' anghukkungi ikambe? Kuassengi angkanaya inaiKo antu: iKaumi Tunisuro matangkasaka, battua ri Allata'ala!”

MARKUS 3:11

Na sikamma tau nisosoka ri roh ja'dala', punna nacini'mi Isa, su'ju'mi ri dallekanNa siagang ammarrang nakana, “IKaumi Ana'Na Allata'ala.”

MARKUS 5:7

Ammarrang lompomi nakana, “O Isa, Ana'Na Allata'ala Kaminang Tinggia! Apa ero' Nugaukang ri nakke? Nasaba' Allata'ala, kupalaki ri Katte, tea' laloKi' sessaia'!” (

LUKAS 4:34

“He Isa, tu Nazaret! Apa ero' Nugaukang mae ri kambe? BattuKo ero' angngancuruki ikambe? KuassenjaKo angkana inaiKo antu: iKaumi tu matangkasaka, nisuroa battu ri Allata'ala!”

LUKAS 4:41

Nabongka ngaseng tommi setanga battu ri kalenna taua, nasosoka setang. Na punna assulu' anjo setanga battu ri kalenna taua, ammarrang-marrammi angkana, “IKaumi Ana'Na Allata'ala!” Mingka Naga'gara'mi Isa anjo setang-setanga. Napisangkai appau ke'nanga, lanri naassengi ke'nanga angkana, Iami Karaeng Mappasalamaka.

LUKAS 8:28

Nacini'na anjo taua angkana niaki battu Isa, ammarrang lompomi nampa su'ju' ri dallekanNa Isa. Ammarrammi nakana, “O Isa, Ana'Na Allata'ala Kaminang Tinggia! Apa ero' Kigaukang mae ri nakke? Kupalaki natena Kisessa'!”

YOHANES 2:4

Appialimi Isa Nakana, “Teaki' suroiA' amma'. Tenapa narapiki wattunna laKupakabateang KalengKu.”

LAMPA-LAMPANA 16:17

Tuli amminawammi anjo bainea ri Paulus siagang ri kambe. Akkio'-kioki anjo bainea angkana, “Anne taua suro-suroNa Allata'ala Kaminang Lompoa! Battui ke'nanga ero' ampauang ngasengko antekamma batena nukkulle salama'!”

YAKOBUS 2:19

Sai tappakko angkanaya anjo Allata'ala se'reji bawang? Kammatojengi! Kamanna setanga tappa' tonji siagang annekkere'mi napakamma malla'!

2 PETRUS 2:4

Manna malaeka'-malaeka' dorakaya tena todong nalata'lappasa' battu ri hukkunganNa Allata'ala. Lanipela' tongi ke'nanga antama' ri naraka. Nipantamaki ke'nanga ri tampa' sassanga, nanitahang anjoreng sa'genna narapi' Allo Pangadelanga.

YUDAS 1:6

U'rangi tongi sikamma malaeka' eroka appanggaukang allaloangai kakoasanna ke'nanga, sa'genna a'lampa ke'nanga ambokoi pammantanganna. Nisikko'mi ri Allata'ala sikamma anjo malaekaka siagang rante tamattappuka, irawa ri tampa' sassanga rawanganna buttaya. Anjoremmi ke'nanga nitahang turus, sa'genna nitappuki hukkunganna ke'nanga ri Allo sannaka heba'na sallang.

HAKING-HAKING 11:12

Le'baki anjo nia'mo tau nasuro Yefta mange ri karaeng Amon, untu' ampabattui papasanna angkana, “Apa kasalanna ikambe sa'genna nubunduki pa'rasanganna ikambe?”