MATIUS 8:25 - KITTA' MATANGKASA'

²⁵ Battumi ana'-ana' gurunNa akkiok-kio' anronrongi nakana, “Bapa', natujuki' bala, tulungi ana'-anatTa!”

MATIUS 8:25 ပူးပေါင်းရင်းမြစ်များ

2 PATTOTTORANG 14:11

Nampa appala' doang Asa ri Karaeng Allata'alana, nakana, “O Batara, iKatteji bawang akkulle ambantui tau lammaya andallekangi tau kassaka. Kitulung laloi ikambe kamma-kamma anne, o Karaeng Allata'alana ikambe! Ri Katteji bawang tanjeng ikambe, siagang lanri arenTa bawang nassulu' anne ikambe untu' angngewai anne pasukang sannaka lompona. O Batara, iKatteji bawang Allata'alana ikambe. TeaKi' pa'biangngi KalenTa nibeta ri se'reang rupatau.”

2 PATTOTTORANG 20:12

IKattemi Allata'alana ikambe! Kihukkung laloi anjo ke'nanga lanri tenana pakkullena ikambe andallekangi tantara kammaya anjo jaina, eroka ambunduki ikambe. Tenamo naassengi apa lanagaukang ikambe, lanri kammanami anjo nabattu ikambe mae ri Katte untu' appala' tulung.”

PAMMUJI 10:1

Angngapa Kibella, o, Batara na Kiaccokko ri wattu kasukkarrang ikambe?

YUNUS 1:6

Ri wattunna naung anjo juraganna kappalaka nabuntulu'mi Yunus anjoreng sitabang attinro. Nakanamo ri ia, “Angngapa nukkulle tinro kau lalang ri wattu kammaya anne! Ambangungko nai'! Appala' doangko mae ri rewatanu untu' appala' tulung. Inai angngassengi gassingka lanakamaseangki' sa'genna tena nipanra'.”

MATIUS 8:2

Anjo wattua nia' tommo se're tau garring sala battu akkulantu' ri dallekanNa Isa angkana, “O, Bapa', punna Kierokangi akkulleKi' amballeia' ku'jari baji' ri garringku.”

MATIUS 8:24

Ti'ring battumi anging puttusu' sannaka lompona antujui tamparanga, sa'genna nitunrummi ri bombang anjo biseanga. Na anjo wattua attinroi Isa.

MATIUS 9:18

Ri wattunna a'bicara Isa siagang ana'-ana' gurunna Yohanes Paje'ne', nia'mo sitau pamimping balla' sambayang battu. Akkulantuki ri dallekanNa Isa nampa nakana, “Silalonna mate ana' baineku. Mingka kuminasaiKi' naKimange ampadongkoki lima, sollanna attallasa' poleang.”

LUKAS 8:24

A'lampami linta' ana'-ana' gurunNa Isa anronrongi Isa. Nakanamo ke'nanga, “Pa' Guru, Pa' Guru, natujuki' bala!” Ambangummi Isa nampa Naga'gara' anjo anginga siagang bombang lompoa. Ammarimi anjo anginga siagang bombanga, nampa a'jari sannang sikali tamparanga.