MATIUS 8:24 - KITTA' MATANGKASA'

²⁴ Ti'ring battumi anging puttusu' sannaka lompona antujui tamparanga, sa'genna nitunrummi ri bombang anjo biseanga. Na anjo wattua attinroi Isa.

MATIUS 8:24 ပူးပေါင်းရင်းမြစ်များ

YESAYA 54:11

Nakana Batara, “He Yerusalem, kota cilakaya, tena kullenu siagang tena panynyaleorinnu. LaKupadongkoki ammotere' sikamma dasara'nu, batu-batu ka'jalaka ballinna Kupake.

HABAKUK 3:10

Punna nacinikKi', ta'goccangi moncong-monconga naturung bosia battu ri langi' rapang nitumpa. Ammarrungi sa'ranna je'neka irawa ri buttaya, ta'gulung-gulung bombanga rapang a'jallo'.

MATIUS 8:23

Naiki Isa ri biseanga, namminawang ngaseng todong ana'-ana' gurunNa.

MATIUS 8:25

Battumi ana'-ana' gurunNa akkiok-kio' anronrongi nakana, “Bapa', natujuki' bala, tulungi ana'-anatTa!”

LUKAS 8:23

Ri wattunna attangnga dolangang ke'nanga, attinromi Isa. Ti'ring battumi anging lompoa antujui anjo tamparanga. Appakkaramulami antama' je'neka ri biseanna ke'nanga, sa'genna a'reppese'mi balaya ri ke'nanga.

YOHANES 11:15

Mingka sannangi Kusa'ring pa'maikKu lanri tenaKu anjoreng namate. Nasaba' la'bi bajikangangi untu' ikau ngaseng punna Kutena anjoreng, sollannu akkulle ngaseng tappa'. Umbamo nakia'lampa mae ri Lazarus kamma-kamma anne.”