MATIUS 8:17 - KITTA' MATANGKASA'

¹⁷ Lanri Nagaukanna ngasemmo Isa anjo sikammaya, a'rupami apa le'baka napau Na'bi Yesaya angkanaya, “Natanggongi sikontu pa'risitta siagang Napammolei sikontu garrinta.”

MATIUS 8:17 ပူးပေါင်းရင်းမြစ်များ

PA'JARIANG 22:6

Napapisangiammi Abraham ri salangganna Ishak anjo kayu untu' tunuang koro'banga. Na kalenna angngerammi lading siagang bara pepe' untu' kayu tunuanga. Ri wattu a'jappanamo ke'nanga sipa'rua,

YESAYA 53:4

Sikontutojenna garrinta natanggongi, pa'risitta napisa'ringi, nampa nikapang angkana anjo hukkunganNa Allata'ala mae ri kalenna.

MATIUS 1:22

Nakajariang ngasemmo anjo sikammaya sollanna a'rupamo apa le'baka napabattu na'bi Nasuroa Batara, angkanaya,

MATIUS 2:15

Ammantammi ke'nanga anjoreng sa'genna mate Herodes. Lanri kammana, a'rupami kananNa Batara le'baka Nasuro pabattu ri na'biNa, angkanaya, “Kukioki ammotere' anakKu battu ri Mesir.”

MATIUS 2:23

Anjoremmi ammantang ke'nanga, ri se'reang kota nikanaya Nazaret. Lanri kammana, a'rupami apa le'baka napau na'bi-na'bia ri passala'na anjo Anaka angkanaya, “Lanigallaraki Tu Nazaret.”

MARKUS 1:32

Karuenna, ri labunamo alloa, naerang ngasemmi taua sikamma tau garringa mae ri Isa siagang sikamma tau nasosoka setang.

LUKAS 4:40

Ri wattunna lalabumo alloa, battu ngasemmi taua angngerangi tau garrinna mae ri Isa. A'rupa-rupami garrinna ke'nanga. Naangka'mi na Napadongko' limanNa Isa irateanganna ke'nanga, sa'genna a'jari baji' ngaseng ke'nanga.

2 KORINTUS 12:10

Jari kukarannuang tongi anjo sikamma kalammangku. Kukarannuang tongi punna lanri Almasi nakunitudu tarigaukku, punna natujua' susa, punna niondanga' ri kere-keremae, kammayatompa punna natujua' kasukkarang lanri Almasi. Nasaba' punna lamma kukasia', iaminjo wattua nakugassing.

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.