MATIUS 8:11 - KITTA' MATANGKASA'

¹¹ Memang, jai tau lania' battu iraya siagang battu ilau' ero' a'rannu-rannu siagang Abraham, Ishak, siagang Yakub, lalang ri Lino BeruNa Allata'ala.

MATIUS 8:11 ပူးပေါင်းရင်းမြစ်များ

PA'JARIANG 12:3

LaKubarakkaki sikamma tau ambarakkakiako siagang laKutunrai sikamma tau antunrayako. Siagang lanri ri kau nalaKubarakkaki sikontu bansaya ri lino.”

PA'JARIANG 22:18

Sikontu bansaya ri lino lanapalaki ri kau sollanna Kubarakkaki ke'nanga, sangkamma Kubarakkakinna turungannu, lanri mannurukinnu ri parentaKu.”

PA'JARIANG 28:14

Turungannu lasangkammai limbu'buka ri lino jaina. Lanapakaluaraki daerana ke'nanga mange ri kere-kere mae. Siagang tete ri kau siagang turungannu nalaKubarakkaki sikontu bansaya ri lino.

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

PAMMUJI 22:27

Tu kasi-asia langnganrei sa'genna bassoro'; tau battua mae ri Batara lamammuji ri Ia. Poro salewangang ngasengko sa'genna satunggu-tungguna!

PAMMUJI 98:3

Nau'rangi pangngamaseanNa siagang pa'mai' tamamminraNa mae ri Israel umma'Na. Sikontu bansaya ri lino nacini'mi pammetanNa Allata'alata.

YESAYA 11:10

Nia' sallang se're wattu nalabattu sitau karaeng turunganna Daud, a'jari tau niparhatikang ri sikontu bansaya. Labattui ke'nanga mae ri ia, siagang sanna' nipakalompona pammantanganna.

YESAYA 49:12

Battu bellai ummakKu para battu, battu wara', battu lau' siagang battu ri kota Sinim bageang timboro'.”

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

YESAYA 52:10

Napappicinikang Batara kakoasanNa ri dallekang matanna sikontu bansaya. Nanasa'bi sikontu buttaya kasalamakkang battua ri Allata'alata.

YESAYA 59:19

KoasaNa siagang kala'biranNa lanakamallakkangi sikontu taua battu raya sa'genna kalau'. Labattui rapang binanga sarringa lo'loro'na, nipammarrunga ri anging kancang.

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

MATIUS 21:41

Appialimi ke'nanga angkana, “Mattantu lanabunoi anjo tau ja'dala' kammaya. Nampa napappitesangang ri tau maraeng anjo kokonna, eroka ambagei punna narapi' wattunna nibage wassele'na anjo kokoa.”

MATIUS 24:31

Nipasa'rami tarompe' lompoa. Na Nasuromo malaeka'-malaeka'Na Ana' Ma'rupataua ampa'rappungangi umma'Na battu ri sikontu linoa, battu raya sa'genna kalau', kammayatompa battu timboro' sa'genna wara'.”

MATIUS 3:2

“Toba' ngaseng mako battu ri gau' dosa-dosanu, nasaba' tasalloami nappakkaramulamo ammarenta Allata'ala, salaku Karaeng!”

MATIUS 8:10

Nalangngere'na Isa kananna anjo perwiraya, teaimi sipato' lannasa'na. Nakanamo ri sikamma tau niaka amminawang ri Ia, “Teai sipato' anne taua. Tenanniakkapa le'ba' Kubuntulu' tau lompo kammaya anne tappa'na ri alla'na tu Israel!

LUKAS 12:37

Teai sipato' upa'na ngaseng palayang-palayang nirapikanga sadia attayang ri wattunna battu karaenna. Patappa'mi angkanaya: lasadiai anjo karaenga assuroi anjo palayang-palayanga ammempo, nampa nasuro layani kalenna anjo karaenga.

LUKAS 16:22

Tena nasallo, matemi anjo tau kasi-asia. Nierammi ri malaekaka mange ri tampa' kaminang la'birika, iamintu ri sa'rinna Abraham ri suruga. Tena nasallo pole, mate tommi anjo tau kalumanynyanga nanitarawang.

LAMPA-LAMPANA 10:45

Sikamma tu Yahudi tappakamo ri Isa, anjo niaka amminawang ri Petrus battu ri Yope, a'jari lannasa' ngasemmi anciniki anjo apa kajarianga. Lannasa' ngasengi ke'nanga anciniki nasaba' Napassareang tongi RohNa Allata'ala mae ri bansa maraenga, pantaranganna bansa Yahudia.

LAMPA-LAMPANA 11:18

Nalangngere'namo anjo apa napabattua Petrus, tenamo nakkana-kana ke'nanga. Nampa ammuji-mujimo ke'nanga ri Allata'ala. Nakana ke'nanga, “Punna kamma, manna bansa maraenga nisare tommi oloang ri Allata'ala sollanna toba' ke'nanga battu ri dosa-dosana, nanapahang baji' katallassang sitojennaya!”

LAMPA-LAMPANA 14:22

Napakajarre'mi atinna sikamma tau tappaka ri Isa ri anjo kota-kotaya. Napakainga'mi ke'nanga, sollanna tuli jarre' tappa'na mae ri Isa. “Musti jai rolong pa'risi' nikasia', nampa akkulle nikasia' mate'nea lalang ri Lino BeruNa Allata'ala,” kammami anjo napangngajarrang tunisuroNa Allata'ala mae ri sikamma tau tappakamo mae ri Isa, ri anjo kota-kotaya.

LAMPA-LAMPANA 14:27

Ri wattunna battumo ke'nanga mange ri Antiokhia, napa'rappungammi ke'nanga sikamma anggota jama'aka anjoreng. Nampa nacaritakang ngaseng anjo anggota jama'aka sikamma apa le'baka Nagaukang Allata'ala lalang ri kalenna ke'nanga ilalang ri pa'lampanna ke'nanga. Nacarita tommi ke'nanga antekamma batena Nasungkeang todong Allata'ala bansa-bansa maraenga agang, sa'genna akkulle todong ke'nanga a'jari tappa' mae ri Isa.

1 KORINTUS 15:20

Mingka a'buttimi angkanaya ma'nassa le'ba'mi nipattallasa' poleang Almasi battu ri kamateanga. Iaminne a'jari pammatei ma'nassa lanipattallasa' poleangi ammotere' tau matea.

1 KORINTUS 6:9

Maka nuassenji angkanaya takkulleai a'jari umma'Na Allata'ala tu tenaya namannuruki? Teako eroki nitipu. Inai-nai a'gau' bawang, inai-nai anynyomba ri barhalaya, inai-nai a'gau' bawang, inai-nai a'gau' sala siagang paranna bura'ne yareka paranna baine,

EFESUS 3:6

Iaminne anjo rahasiaya: Passabakkang anjo Kabara' Bajika, para anggappami barakka'-barakka'Na Allata'ala bansa maraenga, siagang bansa Yahudia, iamintu barakka'-barakka' le'baka Napasadia Allata'ala; para a'jarimi ke'nanga anggota battu lalang ri tubu sangkammaya, siagang para natarima tommi ke'nanga apa Napa'janjianga Allata'ala tete ri Isa Almasi.

KOLOSE 3:11

Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!

2 TESALONIKA 1:5

Anrinnimi anne a'nyata antekamma adele'na apa le'baka Natappuki Allata'ala; Le'ba'mi nukasia' sessaya passabakkang Lino BeruNa Allata'ala, jari lanikellai mako antama' anjoreng.

PAPPICINI' 7:6

Asyer, Naftali, Manasye,