MATIUS 7:15 - KITTA' MATANGKASA'

¹⁵ “Tutuko mae ri na'bi-na'bi palassua. Sanrapangi nicini' gimbala' ke'nanga, mingka sikontutojenna sanrapangi kongkong nye'nyereka lalang nyawana ke'nanga.

MATIUS 7:15 ပူးပေါင်းရင်းမြစ်များ

1 KARAENG-KARAENG 13:18

Jari a'balle-ballemi anjo na'bi toa battua ri Betel angkana ri ia, “Inakke na'bi tonja' sangkamma ikatte. Lanri parentaNa todong Batara na Nasuro malaeka'Na ampauanga' sollanna kubuntuliki' siagang kutoanaki' ri ballakku.”

YEREMIA 29:21

Batara Kaminang Koasaya, Allata'alana Israel, le'ba'mi a'bicara ri sesena Ahab, ana' bura'nena Kolaya, siagang ri sesena Zedekia ana' bura'nena Maaseya ia ampakei arenNa Batara untu' ampabattui mae ri kau apa-apa tenaya natojeng. Napaui Batara angkanaya laNapassareangi ke'nanga mae ri kakoasanna Nebukadnezar karaeng Babel, lambunoai ke'nanga ri dallekanna matannu.

YEREMIA 29:32

siagang lanri nasuro mako ambaliangA', jari laKuhukkungi siagang jari-jarina. Tena manna sitau battu ri ke'nanga lammantang ri tangnga-tangngana ikambe untu' anciniki apa-apa baji' Kugaukanga mae ri sikontu ummakKu. INakke, Batara, anne akkana.”

YEHEZKIEL 13:16

he na'bi-na'bi takontutojenga! Nutappui angkana Yerusalem amangi siagang tangngapa-apayai, padahala' tena sikali nakamma!” Kammami anjo kananNa Batara Kaminang Tinggia.

YEHEZKIEL 13:22

Tau bajika tenaya naero' Kuapa-apai, nupakaca'di nyawana lanri balle-ballenu. Tau ja'dalaka nupakalompoi nyawana sollanna tuli doraka siagang tena nipasalamaki ke'nanga.

YEHEZKIEL 22:25

Sikamma pamimpinna rapangi singa ammammuka ri le'ba'na angngokko' apa-apa. Nabunoi ke'nanga ra'yaka, narampasaki sikontu barang-barang siagang kakalumanynyangngang nabuntuluka siagang jai tubaine janda napakamma ke'nanga.

YEHEZKIEL 22:27

Sikamma pagawe-pagawe pamarentana rapangi serigala angkae-kaei apa nakokkoka. Nagaukangi ke'nanga ammunoa lanri poro ero'na anggappa passawallang.

DANIEL 11:34

Lalang kajarianna anjo pammunoanga, langgappai umma'Na Allata'ala sike'de' pannulung, mingka jai tau asse're siagang ke'nanga kalanri untu' kaparalluang kalenna bawang ke'nanga.

MIKHA 3:11

Pamarenta-pamarenta kotaya ammarentai untu' anggappa doe' pacoco', imang-imanga angngajaraki hukkunNa Batara untu' anggappa gaji, siagang na'bi-na'bia appalaki pangngunju' battu ri Allata'ala untu' anggappa doe' – nampa nakapang ngasengi ke'nanga angkanaya Niagangngangi ke'nanga ri Batara. Nakana ke'nanga, “Niaki Batara ri tangnga-tangngata; tena nalanatujuki' bala.”

ZAKHARIA 13:4

Ri anjo alloa, sikamma na'bia lasiriki untu' anggaukangi gau' na'bia. Tena nalammake na'bi ke'nanga untu' annipu siagang ampattampoangi sikamma paccini'na.

MATIUS 10:17

A'jaga-jagako, nasaba' lanijakkalakko sallang nampa nierangko mange andallekang ri pangadelang agamaya. Lanisessako ri balla' sambayanga.

MATIUS 16:11

Angngapa natanupahanga angkanaya teai passala' roti anjo Kubicaraya ri kau ngaseng sumpaeng? Tutuko ri pa'gambanna tu Farisia siagang tu Sadukia!”

MATIUS 16:6

Nakanamo Isa ri ke'nanga, “Tutuko ri pa'gambanna tu Farisia siagang tu Sadukia.”

MATIUS 24:11

Jai na'bi patipu lantipui tau jaia.

MATIUS 7:14

Mingka seppaki siagang sukkaraki pakke'bu' angngoloa mange ri katallassanga, nasike'de'ji tau angngolo anjoreng.”

LUKAS 12:15

Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

LUKAS 6:26

Cilaka ngaseng mako, punna nipalece mako ri tau jaia; nasaba' kammatommi anjo batena boe-boena ke'nanga ampalecei na'bi-na'bi patipua ri jammang riolo.”

YOHANES 10:12

Pakanre gajia, teai pakalawaki, teai tongi patanna gimbala'; jari lanapilari anjo gimbalaka punna nia' kongkong romang nacini' battu. Lanikokko'mi siagang lanipasisa'la'-sa'la'mi anjo gimbalaka ri anjo kongkong romanga.

LAMPA-LAMPANA 13:40

Lanri kammana minjo namusti nuparhatikang baji'-baji', sollanna tena nakajariang mae ri kau apa le'baka napau na'bia, angkana,

LAMPA-LAMPANA 13:6

Najappai ngasemmi ke'nanga anjo puloa, sa'genna battu mange ri Pafos. Anjoreng assibuntulu'mi ke'nanga siagang se're tu Yahudi, niarenga Bar Yesus. Jama-jamanna iamintu pabale'-bale' mata, na nakana kalenna na'bi.

GALATIA 2:4

manna pole nakamma nia' siapa are tau ero' ansuro passai. Anjo ke'nanga tau antama' cokko-cokko ri golonganta, assara-sarai a'jari sari'battang siagang ikatte. Antama' cokko-cokkoi ke'nanga lanri eroki nasalidiki kabebasanta ikatte tau assileoka katallassanta lalang ri Isa Almasi. Eroki ke'nanga ampoterangki' ammotere' mange ri katallassanta riolo, a'jari ata.

EFESUS 4:14

Jari, tena nisanrapang ana'-ana', akkullea nierang anrai'-kalau' ri pangngajaranna tau la'bua akkala' salana. Natipui siagang naakkala' salai taua, nanaerang mae ri oloang salaya.

EFESUS 5:6

Teako erokki nitipu ri bicara-bicara tenaya bonena. Nasaba' ia ngasemmi anne kammaya ampammumbai pangngalarroiNa Allata'ala mae ri tau tenaya namannuruki ri Ia.

FILIPI 3:2

Tutu laloko mae ri tau a'gau' ja'dalaka. Anjo tau kammaya siratangi nipasanrapang kongkong. Napassa-passai taua sollanna nisunna'.

KOLOSE 2:8

Paralluko tutu, gassingka nia' tau anggodako siagang pikkirang tenaya matu-matunna siagang angngeranga mange ri oloang salaya. Anjo pikkirang-pikkirang kammaya teai pikkirang battu ri Isa Almasi, passangalinna pikkirang battuji ri rupataua siagang roh-roh koasaya ri anne linoa.

2 TIMOTIUS 3:13

na ia tau ja'dalaka siagang tau paballe-ballea lapila' ja'dalaki. Natipui paranna tau, mingka sikontutojenna manna kalenna ke'nanga nitipu tonji.

2 TIMOTIUS 4:3

Nasaba' nia' sallang nanarapi' wattunna nataerokamo taua antarimai pangngajarang tojenga. Mingka ero' kalenna mami lanaturuki ke'nanga; siagang lappa'rappummi ke'nanga jai guru sollanna niajara' ke'nanga apa-apa bajika nalangngere' ri tolinna ke'nanga.

2 PETRUS 3:17

Mingka ikau sikamma sari'battangku sannaka kukamaseanna, nuasseng ngasemmi anne passalaka. Lanri kammana, tutu laloko, gassingka katuru'-turukangko mae ri kalinguanna anjo tau tenaya naassengi atoranga sa'gennu tu'guru' battu ri pammantangang amanga.

1 YOHANES 4:1

Sikamma sari'battangku sannaka kukarimangnginna! Teako patappa' ngasengi tau nakanaya niaki RohNa Allata'ala ri kalenna; mingka pilajari rolong baji'-baji' sollanna akkulle nuasseng angkanaya roh battu kemae anjo niaka ri ke'nanga: Roh battuka ri Allata'ala yareka teai. Nasaba' kamma-kamma anne jai na'bi balle-balle a'jappa mange-mange.

YUDAS 1:4

Nasaba' tanisa'ringai na nia'mo siapa are tu kodi ateka' antama' ri tangnga-tangngata. Anjo ke'nanga sangnging tau panra'; naputara' baleki biritta pangngamaseanNa Allata'alata, sollanna akkulle anggappa kasampatang ke'nanga untu' anggaukangi ero' hawa napasuna. Taerokai ke'nanga antarimai Isa Almasi, Batara Makoasa tena ruanna. Battu riolo dudu iji nanipau la'bi riolo memammo lalang ri Kittaka hukkungang lanagappaya ke'nanga.

PAPPICINI' 16:13

Nampa nia'mo kucini' tallu roh ja'dala' sangkammaya tumpang tanja'na. Anjo tumpanga battu anjorengi assulu' ri bawana nagaya, battu ri bawana anjo olo'-oloka, siagang battu ri bawana na'bi balle-ballea.

PAPPICINI' 17:6

Nampa nasa'ring kucini' anjo bainea napakamma cera'na Umma'Na Allata'ala siagang cera'na tau nibunoa lanri tamamminrana mae ri Isa. Teai sipato' lannasakku ri wattunna kucini' anjo bainea.

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

PAPPICINI' 20:10

Nampa nipasambila anjo Billisi' antipuai ke'nanga antama' ri tamparang pepeka siagang bara a'rinraya. Anjoremmi rolong nipela' anjo olo'-oloka siagang na'bi takontutojenga. Tammari-mariai ke'nanga lanisessa allo bangngi sa'genna satunggu-tungguna.