MATIUS 6:6 - KITTA' MATANGKASA'

⁶ Jari, ikau punna erokko assambayang, antamakko ri bili'nu nampa nutongko' pakke'bu'nu, nunampa assambayang ri Allata'ala Manggenu, tenaya naniciniki. Na Manggenumi anciniki anjo sambayannu nugaukanga ri pammantangang taccokkoa. Iami sallang lassareko pahala lanri anjo sambayannu.

MATIUS 6:6 ပူးပေါင်းရင်းမြစ်များ

2 KARAENG-KARAENG 4:33

Natongko'mi Elisa pakke'buka nampa appala' doang mae ri Batara.

PAMMUJI 34:15

Pakabellai kalennu battu ri ja'dalaka, gaukangi bajika, usahakangi passiamakkanga sipikulle-kullenu.

PANGNGEBARANG 25:22

Lanri kammana nupa'jarimi tu'guru' siri'-siri' na laNabarakkakiko Batara.

YESAYA 26:20

Antama' mako ri balla'nu, he bansaku, nampa nutongko' pakke'bu'nu. Accokko mako untu' sinampekang, sa'genna ammari larroNa Batara.

YESAYA 65:24

Tenapa nappala' ke'nanga, naKuppialimo; tenapa nale'ba' ke'nanga appala' doang naKuturukiammo pappala'na ke'nanga.

MATIUS 14:23

A'lampana ngasemmo tau jaia, a'lampa tommi Kale-kalenNa nai' ri se'reang bonto, mange appala' doang. Sa'genna ta'rapi' bangngia nia' iji Isa anjoreng Kale-kalenNa.

MATIUS 6:18

sollanna tena naassengi tau maraenga angkanaya appuasako; passangalinna Manggenu bawang ri suruga angngassengi. Na iaminjo Manggenu ri suruga lassareko sallang pahala lanri appuasanu.”

MATIUS 6:4

Boli'mi kamma na Allata'ala Manggenu ri suruga bawang anciniki siagang angngassengi anjo passidakkanu. Iami sallang assareko pahala lanri assarenu passidakka.”

YOHANES 1:48

Akkuta'nammi Natanael ri Isa, nakana, “Antekamma nakkullea' Kiasseng Bapa'?” Appialimi Isa Nakana, “Tenapa nanakiokko Filipus, naKucini'mako irawanganna poko' araya.”

YOHANES 20:17

Nakanamo Isa ri ia, “Teako ta'galakiA', nasaba' tenapa naKunai' ri Manggea. Mingka a'lampamako mae ri sikamma sari'battangKu, siagang pauangi ke'nanga angkanaya kamma-kamma anne nai'Ma' ri ManggeKu siagang Manggenu todong, ri Allata'alaku siagang Allata'alanu todong.”

LAMPA-LAMPANA 10:30

Appialimi Kornelius nakana, “Ri tallungallona allaloa, kira-kira ri wattu kamma-kammaya anne, sitabanga' appala' doang ri ballakku, ri wattu tette' tallu ri karuenga. Ti'ring nia'mo sitau bura'ne ammenteng ri dallekangku. Accilla'-cillaki pakeanna anjo taua.

LAMPA-LAMPANA 10:9

Ammukona alloa, lalang a'jappana ija anjo tunisuroa siagang a'biringamo battu mange ri Yope, nai'mi Petrus ri ballaka ero' appala' doang.

LAMPA-LAMPANA 9:40

Nasuromi Petrus assulu' ngaseng ke'nanga, nampa akkulantu' appala' doang. Le'baki anjo, a'dalle' mangemi ri maya'na Dorkas, nampa nakana, “Tabita, ambangungko!” Nasungkemi matanna Dorkas; na ri wattunna nacini' Petrus, ambangummi nai' ammempo.

ROMA 8:5

Inai-nai mannuruki mae ri sipa'-sipa' rupataua, tuli lananawa-nawai apa-apa nakaerokia sipa'-sipa' ma'rupataua. Mingka inai-nai attallasa' mannuruki ri RohNa Allata'ala, tuli lananawa-nawai anjo apa Nakaerokia RohNa Allata'ala.

EFESUS 3:14

Iaminjo saba'na nakuakkulantu' ri dallekanNa Manggea.