MATIUS 6:33 - KITTA' MATANGKASA'

³³ Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

MATIUS 6:33 ပူးပေါင်းရင်းမြစ်များ

1 KARAENG-KARAENG 17:13

Nakanamo Elia ri ia, “Teaki' bata-batai bu'! Kipare'mi anjo kanre untu' kanreta siagang anatta. Mingka la'bi riolo appare' maki' rolong sibatu roti ca'di battu ri anjo labuka siagang minynyaka, nampa kierang mae anrinni.

PAMMUJI 112:3

Lakalumanynyangi siagang lacoppongi kaluargana, siagang lasalewangangi satunggu-tungguna.

PAMMUJI 37:25

Pakkaramula ri rungkaku sa'gengku toa, tale'bakai kucini' tau bajika nibokoi ri Batara, yareka a'jari papala'-palaki ana' cucunna.

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

PANGNGEBARANG 10:3

Batara tena Nabalang parekangi tau bajika naalle cipuru'; mingka Nahalangi tau ja'dalaka sollanna tanagappaya apa nakaerokia.

PANGNGEBARANG 28:10

Inai anynyonyoki tau lambusuka sollanna a'gau' ja'dala', ia kalenna latu'guru' antama' ri sikko' nitannanga. Tau ci'nonga pa'mai'na lanibarakkaki sa'genna mate'ne.

PANGNGEBARANG 8:18

Ri nakke sadiai pakkalumanynyangnganga kammayatompa kalompoanga siagang kacopponganga.

KATO'BA 10:2

Siratangi punna tau cara'deka anggaukangi kabajikanga, siagang tau toloa anggaukangi kaja'dallanga.

YESAYA 26:9

Punna bangngi, nakkuki nyawaku mae ri Katte, punna bari'basa' mattayangi atingku. Punna sallang Kiadeli buttaya, lanaassemmi pandudu'na linoa apa annabaya.

YESAYA 33:6

siagang assarei kaamangngang umma'Na. Pa'barang-barangngang ampasalamakai ke'nanga iamintu kacara'dekang siagang pangngassengang kammayatompa mappakalompo ri Batara.

YESAYA 45:24

Lanakana ngaseng taua, ‘Bataraji bawang nakabattui kaadelanga siagang kagassinganga!’ Sikontu tau birisika mae ri Nakke labattui mae ri Nakke na'jari siri'-siri'.

YEREMIA 23:6

Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.

MATIUS 19:28

Nakanamo Isa ri ke'nanga, “Tappa' mako angkanaya: Ri Lino Berua, lammempoi Ana' Ma'rupataua irate ri empoang kala'biranNa. Anjo wattua sallang, ikau ngasemmi ana'-ana' gurungKu lammempo irate ri sampuloa anrua empoang kala'birang. Na ikaumi langngadeli sampuloa anrua suku ri bansa Israelka!

MATIUS 19:29

Na inai-nai ambokoi balla'na, yareka sari'battanna bura'nea, yareka sari'battanna bainea, yareka anrong-manggena, yareka ana'na ngaseng, yareka kokonna, passabakkang iNakke, iami sallang langgappai ammotere' sikamma apa nabokoia a'lappi sibilangngang jaina. Siagang iami langgappai katallassang sitojennaya siagang mannannunganga.

MATIUS 3:2

“Toba' ngaseng mako battu ri gau' dosa-dosanu, nasaba' tasalloami nappakkaramulamo ammarenta Allata'ala, salaku Karaeng!”

MATIUS 4:17

Iaminjo wattua Nappakkaramulamo Isa ampabattui angkanaya, “Toba' ngaseng mako battu ri gau' dosa-dosanu, nasaba' tasalloami nappakkaramulamo ammarenta Allata'ala, salaku Karaeng!”

MATIUS 5:6

Mate'nei tau attojeng-tojenga ero' anggaukangi ero'Na Allata'ala; nasaba' iami lanipasukku' tallasa'na ri Allata'ala!

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

LUKAS 12:31

Mingka ikau, musti nuboyai rolong sollanna ammarenta Allata'ala lalang tallasa'nu, nampa Nasareangko Allata'ala apa-apa maraenganga.”

YOHANES 5:4

Nasaba' nia' wattunna nanaung malaeka'Na Batara ri anjo balanga anggoccangi je'ne'na. Na punna ta'goccang je'neka, inai-nai tau garring kaminang riolo naung ri anjo balanga, iami lammari garrinna, manna pole garring apa.

YOHANES 6:27

Teako naporo untu' kanre lala'busuka siagang labottokaji bawang nanuanjama-jama. Anjamako untu' kanre tenaya nakkulle botto' siagang akkullea assare katallassang mannannungang. Iaminjo kanre kammaya laNasareangko Ana' Ma'rupataua, nasaba' Iami le'ba' Nalanti' Allata'ala Manggea.”

LAMPA-LAMPANA 20:25

Le'ba' ngaseng mako massing kukunjungi, siagang le'ba' ngaseng tommi kupabattu mae ri kau ri passala'na Allata'ala siagang PamarentahanNa. Kamma-kamma anne nia'mi ri pakkasiakku angkanaya iaminne kala'busangku assicini' siagang ikau ngaseng.

LAMPA-LAMPANA 28:31

Napabattumi siagang barani mae ri ke'nanga antekamma bateNa ammarenta Allata'ala, kammayatompa ri passala'na Isa Almasi. Nagaukammi Paulus sikammaya anjo siagang laloasa, tena tau anghalang-halangi.

ROMA 1:17

Nasaba' iaminjo Kabara' Bajika ampa'nassai angkana antekamma batena a'jari baji' ammotere' passisambunganna rupataua siagang Allata'ala. Carana, iamintu tappaki taua ri Allata'ala battu ri pakaramulanna sa'genna kala'busang. Kammaminjo niaka tattulisi' lalang ri Kittaka angkanaya, “Inai-nai tappa' ri Allata'ala sa'genna a'jari baji'mo ammotere' passisambunganna siagang Allata'ala, iami lattallasa'!”

ROMA 10:3

Tena naassengi ke'nanga antekamma caraNa Allata'ala ampa'jari bajiki ammotere' passisambunganNa siagang rupataua. Nalanri cara kalenna ke'nanga naturuki, jari tenamo nanaturuki ke'nanga cara Napappicinikanga Allata'ala.

ROMA 14:17

Nasaba' punna lalang ri pamarentahanNa Allata'ala, tena naparallu nikanaya apa-apa akkullea nikanre yareka apa-apa akkullea niinung. Mingka ia parallua iamintu angkanaya mannuruki rupataua ri ero'Na Allata'ala, nakasiaki nikanaya salewangang ri pa'maika, kammayatompa karannuang Napassareanga RohNa Allata'ala.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

1 KORINTUS 3:22

Paulus, Apolos, Petrus, anne linoa, katallassanga siagang kamateanga, anne jammanga yareka jammang labattua, yangaseng-ngasenna ikau ngaseng pata.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.

2 TESALONIKA 1:5

Anrinnimi anne a'nyata antekamma adele'na apa le'baka Natappuki Allata'ala; Le'ba'mi nukasia' sessaya passabakkang Lino BeruNa Allata'ala, jari lanikellai mako antama' anjoreng.

1 TIMOTIUS 4:8

Anjo latihang tubua sike'de'ji matu-matunna; mingka latihang rohania a'matu-matui lalang sikontu-kontuna katallassanta, nasaba' akkimbolongi janji untu' katallassanta ri kamma-kammaya anne siagang katallassang labattua.

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

2 PETRUS 1:11

Lalang kammanami anjo nulanikellai tojeng-tojemmo antama' ri Kakaraengang mannannungang battua ri Batara siagang Karaeng Mappasalamatta Isa Almasi.