MATIUS 6:30 - KITTA' MATANGKASA'

³⁰ Anjo ruku'-ruku' niaka ri paranga, attimboi anne alloa nammuko lanitunui sa'genna cappu'. Mingka manna nakamma, nipipakei tonji ri Allata'ala anjo ruku'-rukuka sa'genna ga'ga nicini'. Jari la'biangampa pole ikau! Tena tanipipakeinu! Mingka sayanna kakurang tappakko!

MATIUS 6:30 ပူးပေါင်းရင်းမြစ်များ

PAMMUJI 92:7

Tau dongoka takkulleai napahang, tau toloa takkulleai napahang.

MATIUS 14:31

Linta'mi Isa anta'galaki limanna. Nampa Nakana, “O Petrus, anne ikau kurang tappakko. Apa saba'na nanubata-bata?”

MATIUS 16:8

Mingka Naassengi Isa anjo apa nabicaraya ke'nanga. Jari angkanami, “Angngapa napassala' tenana roti massing nubicara? Tena ngaseng najarre' tappa'nu!

MATIUS 17:17

Appialimi Isa angkana, “Teaiko anne sipato' ngaseng! Ma'nassa tau sala oloang ngasengko siagang tena ngaseng tappa'nu. Siapapi salloKu lammantang siagang lasa'bara' ri tangnga-tangnganu ngaseng? Erangi mae anjo anaka!”

MATIUS 8:26

Nakanamo Isa, “Angngapa numalla' kamma ngaseng? Kurang tappakko ri Nakke?” Nampa ammenteng Isa, naNaga'gara' anjo anginga siagang tamparanga. Sa'genna sannang sikalimo anjo tamparanga.

MARKUS 4:40

Nampa Nakana Isa ri ana'-ana' gurunNa, “Angngapa numalla'? Angngapa natena nutappa' ri Nakke?”

MARKUS 9:19

Nakanamo Isa ri ke'nanga, “Teai ngasengko sipato' anne! Tau tena ngaseng tojeng tappa'nu. Siapapi salloKu lammantang anrurungangko siagang lasa'bara' ri kau ngaseng? Erangi mae antu anaka!”

LUKAS 12:28

Kammayatompa anjo rukuka ri paranga; anne alloa nattimbo, nammuko lanitunumi sa'genna cappu'. Mingka nimodei tonji anjo rukuka ri Allata'ala, a'jari sanna' ga'gana. La'biampa pole ikau! Mingka kurang tappa' ngasengko!

LUKAS 9:41

Appialimi Isa Nakana, “Teai ngasengko sipato' anne! Ma'nassa tau sala oloang ngasengko siagang tau tena ngaseng nutappa'! Siapapi salloKu lammantang angngagangko siagang lasa'bara' ri kau ngaseng? Erangi mae antu anaka!”

YOHANES 20:27

Nampa Nakana Isa ri Tomas, “Cini'mi anne limangKu siagang jamami. Pamaemi limannu nanujama sa'ringKu. Tea' mako bata-batai, mingka tappa' mako!”

IBRANI 3:12

Sikamma sari'battangku, tutu laloko, gassingka niakko kalase'rennu sanna' ja'dala'na pa'mai'na siagang tena natappa', sa'genna a'boko siagang napakabella kalenna battu ri Allata'ala assarea katallassang!

1 PETRUS 1:24

Nia' tattulisi' lalang ri Kittaka angkanaya, “Sikontu rupataua sanrapangi ruku', sikontu kalompoanna sanrapangi bunga ruku'. Punna kalumeng rukuka, ru'rusu' tommi bunganna;