MATIUS 6:28 - KITTA' MATANGKASA'

²⁸ Kammayatompa, angngapa nuranggasela lanri care-carenu? Cini' sai antekamma tallasa'na anjo bunga-bunga rosia attimboa ri paranga. Anjo bunga-bungaya tena nakkulle anjama siagang tena nattannung;

MATIUS 6:28 ပူးပေါင်းရင်းမြစ်များ

HOSEA 14:5

Nakana Batara, “UmmakKu ammengka salaya, Kuallei ammotere' naKukamaseang sikontu pa'mai'; talaKukalarroiami pole ke'nanga.

MATIUS 10:10

Tea tongko angngerangi pammoneang passidakka, yareka pakeang ruang lawara', teako angngerangi sapatu yareka takkang. Nasaba' sikamma tau anjamaya tena tanisareanna kaparalluanna.

MATIUS 6:25

Lanri kammana, u'rangi laloi anne; teako ranggaselai ri passala'na katallassannu. Angkanaya apa lanukanre siagang apa lanuinung, kammayatompa apa lanupake ri batangkalennu. Sai la'bi paralluangangi anjo tallasaka naanjo kanrea? Siagang anjo batangkalea naanjo care-carea?

MATIUS 6:27

Maka inaika akkulle antambai umuru'na manna sike'de' lanri ranggaselana?

MATIUS 6:31

Jari tea' mako bata-batai angkanaya, ‘Apamo lanikanre’, yareka ‘apamo laniinung’, yareka ‘apamo lanipake’?

LUKAS 10:41

Appialimi Isa Nakana, “Marta, Marta, angngapa na nubata-bata kamma siagang angngapa na'rupa-rupa kamma sibu' nunawa-nawa?

LUKAS 12:11

Punna nierangko mange ri balla' sambayanga laniadeli ri dallekanna pamarentaya yareka tau anna'galaka koasa, teako mallakki. Teako mallakki angkanaya antekamma batenu la'bicara sollanna a'butti angkanaya tena nusala.

LUKAS 12:22

Nampa Nakana Isa ri ana'-ana' gurunNa, “Lanri kammana minjo naKukana, ‘Teako ranggaselai ri passala'na katallassannu, iamintu ri passala' lanukanrea, yareka ri passala' apa lanupake.’

LUKAS 12:27

Cinissai antekamma katallassanna bunga rosia; anjo bunga-bungaya tena nanjama, siagang tena todong nattannung. Mingka cinissai antekamma ga'gana anjo bunga-bungaya. Manna antekamma kalumanynyanna Karaeng Salomo mingka tenapa naga'gangngang pakeanna nicini' na anjo bunga-bungaya!

LUKAS 3:11

Appialimi Yohanes nakana, “Tau niaka ruang lawara' bajunna, musti napassareangi silawara' mae ri tu tenaya bajunna. Na tau niaka kanrena, musti nabagei tongi tu tenaya kanrena.”

FILIPI 4:6

Teako bata-batai ri passabakkang apa-apa mamo. Appala' doangko siagang pabattui pappala'nu mae ri Allata'ala, ilalang sikontu kaparalluannu. Teako lanre ampaui kaparalluannu mae ri Allata'ala; siagang paralluko appala' sukkuru'.

1 PETRUS 5:7

Erangi ranggaselanu mae ri Allata'ala, nasaba' Iami anjampangiko.