MATIUS 6:27 - KITTA' MATANGKASA'

²⁷ Maka inaika akkulle antambai umuru'na manna sike'de' lanri ranggaselana?

MATIUS 6:27 ပူးပေါင်းရင်းမြစ်များ

KATO'BA 3:14

Kuassengi angkanaya sikontu bate pare'Na Allata'ala, latuli nia'na satunggu-tungguna. Takkulleai rupataua antambai yareka angkurangngi. Siagang nakamma anjo gau'Na Allata'ala, sollanta malla' mae ri Ia.

MATIUS 5:36

Tea tongko assumpai lanri ulunnu, nasaba' takkulleako ampa'jari keboki yareka ampa'jari le'lengi uu'nu manna silawara'.

MATIUS 6:25

Lanri kammana, u'rangi laloi anne; teako ranggaselai ri passala'na katallassannu. Angkanaya apa lanukanre siagang apa lanuinung, kammayatompa apa lanupake ri batangkalennu. Sai la'bi paralluangangi anjo tallasaka naanjo kanrea? Siagang anjo batangkalea naanjo care-carea?

MATIUS 6:28

Kammayatompa, angngapa nuranggasela lanri care-carenu? Cini' sai antekamma tallasa'na anjo bunga-bunga rosia attimboa ri paranga. Anjo bunga-bungaya tena nakkulle anjama siagang tena nattannung;

MATIUS 6:31

Jari tea' mako bata-batai angkanaya, ‘Apamo lanikanre’, yareka ‘apamo laniinung’, yareka ‘apamo lanipake’?

MATIUS 6:34

Lanri kammana, tea' mako bata-batai ri passala'na lanukaparalluanga ammuko, nasaba' untu' ammukoa nia' todong bata-batana. Anne alloa angga'nami lanukasusanga, tea' mako tambai ba'lalo susanu.”

LUKAS 10:41

Appialimi Isa Nakana, “Marta, Marta, angngapa na nubata-bata kamma siagang angngapa na'rupa-rupa kamma sibu' nunawa-nawa?

LUKAS 12:11

Punna nierangko mange ri balla' sambayanga laniadeli ri dallekanna pamarentaya yareka tau anna'galaka koasa, teako mallakki. Teako mallakki angkanaya antekamma batenu la'bicara sollanna a'butti angkanaya tena nusala.

LUKAS 12:22

Nampa Nakana Isa ri ana'-ana' gurunNa, “Lanri kammana minjo naKukana, ‘Teako ranggaselai ri passala'na katallassannu, iamintu ri passala' lanukanrea, yareka ri passala' apa lanupake.’

1 KORINTUS 12:18

Nicini'mi angkanaya Naboli'mi Allata'ala anjo anggota-anggota tubua lalang ri tubua. Massing-massimmi Naboli' Allata'ala ri pammantanganna lalang ri tubua situru' Nakaerokia Allata'ala.

FILIPI 4:6

Teako bata-batai ri passabakkang apa-apa mamo. Appala' doangko siagang pabattui pappala'nu mae ri Allata'ala, ilalang sikontu kaparalluannu. Teako lanre ampaui kaparalluannu mae ri Allata'ala; siagang paralluko appala' sukkuru'.

1 PETRUS 5:7

Erangi ranggaselanu mae ri Allata'ala, nasaba' Iami anjampangiko.