MATIUS 6:23 - KITTA' MATANGKASA'

²³ Mingka punna ra'masaki matannu, sassang ngaseng tommi antu sikontu batangkalennu. Jari punna sassammi lampu niaka ri kalennu, tamakami sassang makkappu'na anjo sassanga!”

MATIUS 6:23 ပူးပေါင်းရင်းမြစ်များ

PANGNGEBARANG 26:12

Tau tolo dudua bajikangngang iji na tau nakanaya kalenna cara'de'.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

MATIUS 20:15

Apa takkullea' angngatoroki pa'barang-barangangku situru' apa nakaerokia nyawaku? Yareka assereatiko lanri lammoro' pa'maikka'?’ ”

MATIUS 6:22

“Anjo mataya rapangi sulo ri batangkalea. Punna tangkasaki siagang corai matannu, singara' ngaseng tommi antu sikontu batangkalennu.

MARKUS 7:22

a'gau' salimara', annipu, appitina, siagang anggaukangi sikamma apa-apa ja'dalaka, ampa'jari taua angngoa, tenangngasseng atorang, assereati, tampo, kammayatompa susai niajara'.

LUKAS 11:34

Anjo mataya iami sulona batangkalea. Punna tangkasa' matannu, lasingara' sikali tommi sikontu batangkalennu. Mingka punna ra'masaki matannu, lasassang makkapu' tommi sikontu batangkalennu.

LUKAS 8:10

Appialimi Isa Nakana, “Ikau ngaseng nisare mako pangngassengang untu' angngassengi rahasia battua ri Allata'ala siagang PamarentahanNa. Mingka tau maraenga parallui niajara' siagang pangngebarang, sollanna accini' ke'nanga, mingka tanaassengai apa kajarianga; sollanna appilangngeri ke'nanga mingka takkulleai napahang.”

ROMA 1:22

Nakanai cara'de' kalenna, padahala' sikontutojenna toloi.

1 KORINTUS 2:14

Inai-nai tena nikoasai ri RohNa Allata'ala, takkulleai natarima anjo apa Napakasingaraka RohNa Allata'ala. Nasaba' a'jari sangkammaji kadongokang anjo passalaka mae ri anjo tau kammaya. Anjo tau kammaya takkulleai napahang anjo passalaka, nasaba' anjo passalaka takkulleai nipahang situru' apa-apa kacinikanga.

EFESUS 4:18

Sassangi pikkiranna ke'nanga. Tanaassengai ke'nanga katallassang Napassareanga Allata'ala, nasaba' tena sikali apa-apa naasseng ke'nanga ri passala'na Allata'ala. Kammami anjo ke'nanga, lanri sanna' kapala batuna ke'nanga.

EFESUS 5:8

Ikau riolo niakko lalang ri sassanga. Kamma-kamma anne a'jari mako umma'Na Batara; jari nia' mako lalang ri singaraka. Lanri kammana, musti attallasakko lalang singaraka.

1 YOHANES 2:11

Mingka inai-nai angkabirisi sari'battanna, ma'nassa lalammi ri sassanga. Lalammi ri sassanga a'jappa, siagang tanaassengami angkana la'lampa kereimae, nasaba' takkulleai accini' napakamma anjo sassanga.