MATIUS 6:22 - KITTA' MATANGKASA'

²² “Anjo mataya rapangi sulo ri batangkalea. Punna tangkasaki siagang corai matannu, singara' ngaseng tommi antu sikontu batangkalennu.

MATIUS 6:22 ပူးပေါင်းရင်းမြစ်များ

YESAYA 5:20

Cilakako kau amputara' balekai bajika siagang kodia, singaraka siagang sassanga, te'nea siagang paika!

MATIUS 5:15

Tenanniakka tau apparinra lampu nampa natongko' katoang. Passangalinna naboliki irate ri pa'dongkokanna, sollanna nasingari ngasengi tau niaka lalang balla'.

LAMPA-LAMPANA 2:46

Allo-allona ke'nanga tuli a'rappungang ri Balla'Na Batara; kammayatompa a'le'ba'-le'basaki ke'nanga assama-sama angnganre ri balla'na. Na rannu pa'mai' siagang tuna pa'mai' ngasengi ke'nanga.

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

EFESUS 6:5

Ikau a'jari pajamaya! Turuki parentana pinggawanu ri anne linoa. Gaukangi anjo parentana siagang lompo pangngali', malla', kammayatompa attojeng-tojeng, sanrapang angkanaya anjo sikammaya nugaukangi mae ri KalenNa Almasi.

KOLOSE 3:22

Ikau ngaseng a'jari palayanga! Lalang ri apa-apa mamo, paralluko amminawang turu' mae ri pinggawanu ri anne linoa. Teako naiaja bawang numminawang turu' punna niaki anjagaiko, lanri ero'nu nipalece. Turuki ke'nanga situlusu' pa'mai'nu, lanri nupakala'biri'na Batara.