MATIUS 6:19 - KITTA' MATANGKASA'

¹⁹ “Teako pa'barang-barangang bawang nupasse're ri lino. Nasaba' pa'barang-baranganga ri anne linoa akkullei nakanre kacoa', siagang bu'bu', yareka akkullei nilukka' ri palukkaka.

MATIUS 6:19 ပူးပေါင်းရင်းမြစ်များ

AYUB 24:16

Palukkaka ammongkaraki balla' ri wattu bangngi; ri wattu allo a'lilimi ri singaraka nampa accokko.

AYUB 31:24

Tale'bakai kurannuang barang-barangku,

PAMMUJI 39:6

Antekamma bodona umurukku Kipattantua! Untu' iKatte tena siapa la'buna tallasakku. Tojeng, rupataua sanrapanji sipa'maikang nappasa' bawang,

PAMMUJI 62:10

Rupataua sanrapanji bawang sipa'maikang nappasa', lompo yareka ca'di para tena anggaranna. Punna nitimbangi, a'nassami angkana ringannaja ke'nanga, la'bi ringangi na sipa'maikanga nappasa'.

KALAPPASSANG 22:2

Musti nasambei anjo barang nalukkaka. Punna tena apa-apanna, ia kalenna lanibalukang a'jari ata untu' ansambei anjo barang le'baka nalukka'. Punna sapi anjo barang nalukkaka, yareka keledai, yareka gimbala', nampa nipanggappai anjo taua nattallasa' ija anjo baranga, musti nasambei tassikayua olo'-olo' siagang ruang kayu olo'-olo'. Punna ri wattu bangngina nanijakkala' sitaua palukka' lalang balla', nampa nibuno anjo palukkaka, anjo tau ambunoai tena nasala. Mingka punna allo nakajariang anjo passalaka, anjo tau ambunoai salai.

PANGNGEBARANG 11:4

Punna nadallekang kamateanga, tenamo matu-matunna barang-baranna; lasalamaki tallasa'nu punna te'ne pa'maikko.

PANGNGEBARANG 16:16

Bella' la'bi baji'na anggappaya kacara'dekang kala anggappaya bulaeng; la'bi lompoangngangi anggaranna anggappaya pangngassengang kala anggappaya pera'.

KATO'BA 2:26

Allata'ala assare kacara'dekang, pangngassengang siagang kate'neang mae ri tau ampakasannangai pa'mai'Na. Mingka tau dorakaya Nasuroi a'boya dalle' nampa napatambung wassele'na untu' nipassareang mae ri tau ampakasannangai pa'mai'Na Allata'ala. Jari yangasenna anjo sia-siaji, sanrapang usaha angngondang anging.

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

MATIUS 19:21

Akkanami pole Isa ri ia, “Punna ma'nassa erokko a'jari tau ganna', a'lampamako ambalukang ngasengi barang-barannu. Passareammi ballinna mae ri tu kasi-asia, nama'nassa lanugappamo sallang pa'barang-barangang niaka ri suruga. Punna le'ba'mo nugaukang anjo kammaya, battu mako mae amminawang ri Nakke!”

MATIUS 6:20

Jari appasse're mako pa'barang-barangang lanueranga mange ri suruga. Nasaba' ri suruga, tena kacoa' siagang bu'bu' langkanrei anjo pa'barang-baranganga, yareka tena palukka' akkulle allukkaki.

LUKAS 12:21

Kammaminjo sallang kajarianna sikamma tau eroka a'boya kakalumanynyangang untu' kalenna, mingka teai a'boya kakalumanynyangang ri dallekanNa Allata'ala.”

LUKAS 12:33

Balukammi barang-barannu, nampa nupassareang ballinna mae ri tu kasi-asia. Appare' mako pammoneang doe' tenaya nalatoa, iamintu barang-barang lanibolika ri suruga. Anjo barang-baranga takkulleai tappela', nasaba' takkulleai nilukka' ri palukkaka, siagang takkulleai nipanraki ri kacoaka.

LUKAS 12:39

U'rangi anne! Ka'de' naasseng patanna balla' angkanaya tette' siapa nalabattu palukkaka, tantu lanajagaiji sollanna tena nantama' anjo palukkaka ri balla'na.

LUKAS 18:22

Nalangngere'na Isa kananna anjo taua, Nakanamo, “Nia' ija se're passala' musti nugaukang: Balukang ngasengi sikamma pa'barang-barangannu, nampa nupassareang ballinna mae ri tu kasi-asia, na lanugappa pa'barang-barangang niaka ri suruga. Punna le'ba'mo nugaukang anjo kammaya, battu mako mae amminawang ri Nakke.”

LUKAS 18:24

Naassengi Isa angkanaya si'nai pa'mai'na anjo taua. Jari Nakanamo Isa, “Teai sipato' sukkara'na tu kalumanynyanga la'jari umma'Na Allata'ala!

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”