MATIUS 6:12 - KITTA' MATANGKASA'

¹² Kipammopporangi dosa-dosana ikambe, Sangkamma napammopporammi ikambe tu salaya ri kalenna ikambe.

MATIUS 6:12 ပူးပေါင်းရင်းမြစ်များ

1 KARAENG-KARAENG 8:34

poro Kipilangngeri laloi ke'nanga ri suruga. Poro Kipammopporangi dosana anne ummatTa, siagang Kierangi ammotere' mange ri pa'rasangang le'baka Kipassareang ri boe-boena ke'nanga.

1 KARAENG-KARAENG 8:39

poro Kipilangngeri lalang ri suruga tampa' pammantanganTa siagang Kipammopporangi na Kitulung ke'nanga. Poro iKatteji bawang angngassengi bone atinna rupataua. Lanri kammana anjo, Kigaukammi mae ri taua massing-massing situru' panggaukang-panggaukanna,

1 KARAENG-KARAENG 8:50

Kipammopporangi sikontu dosana siagang kadorakanna ke'nanga mae ri Katte, siagang Kipa'jari anjo musu-musunna ke'nanga a'gau' baji' mae ri ke'nanga.

PAMMUJI 130:4

Mingka iKatte Kingai appamopporang, sollanna a'jari taua tu mappilangngeri.

PAMMUJI 32:1

Pammujina Daud. Kelong pangngajarang. Mate'nei taua ia nipammopporanga dosana, nikaluppaia kasalanna.

KALAPPASSANG 34:7

Tuli mangngamaseangKu mae ri assa'bu-sa'bu lapisi'na turunang siagang Kupammopporangi kasalanga siagang dosaya; mingka sikamma tau salaya tena sikali nakkulle ta'lappasa' battu ri hukkungangKu, ba'lalo manna ana' cucunna sa'genna lapisi' makatallua siagang makaappaka anjo tau dorakaya takkulleai ta'lappasa' battu ri hukkungangKu.”

YESAYA 1:18

Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

DANIEL 9:19

O Batara, Kiparhatikang laloi ikambe siagang linta' maKi' angngalle tindakang! TeaKi' sallo-salloi, sollanna naasseng sikontu taua angkanaya iKatte Allata'ala. Nasaba' Yerusalem siagang ummatTa iKatte ampatangi, le'baka Kisa'la' untu' iKatte.”

MATIUS 26:28

Nasaba' iaminne cerakKu, ampakajarrekai janjinNa Allata'ala – cera' nipasolonga, sollanna akkulle nipammopporang sikontu dosana tau jaia.

MATIUS 9:2

Battuna mange anjoreng, nia'mo se're tau peso' nierang rate ri katinroanga mae ri Isa. Nacini'na Isa antekamma lompona tappa'na ke'nanga, Nakanamo ri anjo tau pesoka, “Sa'barakko na'! Nipammopporammi dosa-dosanu.”

MARKUS 11:25

Siagang punna appala' doangko, mingka tena nasannang nyawanu ri se'reang tau, pammopporangi rolong anjo taua, sollanna Napammopporang tongi Manggenu ri suruga dosa-dosanu. [

LUKAS 11:4

Kipammopporangi dosa-dosana ikambe, Nasaba' ikambe anne napammopporang tommi sikamma tau kasalanga ri kambe. Siagang teaKi' balang parekangi ikambe nibeta ri paccobaya.’ ”

LUKAS 13:4

Jari antekamma anjo tau sampuloa assagantuju, matea todong ri balang Siloam ri wattunna niutungi ke'nanga ri rumbanna cappa'na manaraya? Nukana iaminjo a'jari pammatei angkanaya lompoangangi dosana ke'nanga na sikontu tau maraenga, niaka ammantang ri Yerusalem?

LUKAS 6:37

“Teako angngadeli ri tau maraenga, sollanna tena todong Naadeliko Allata'ala. Teako anghukkungi ri tau maraenga, sollanna tena todong Nahukkungko Allata'ala. Pammopporangi parannu tau, sollanna Napammopporang tongko Allata'ala.

LAMPA-LAMPANA 13:38

Lanri kammana minjo sari'battangku ngaseng, musti nuasseng ngasengi angkanaya ilalang arenNa minjo Isa nanipabattumo anjo kabara' nipammopporanna dosaya mae ri kau ngaseng; musti nuassengi angkanaya inai-nai tappa' ri Ia, lanipata'lappasaki battu ri sikontu dosaya, tenaya nakkulle nipata'lappasa' lanri sikamma parentaNa Allata'ala napassareanga Musa.

EFESUS 1:7

Nasaba', nilappassang maki' ri Allata'ala, lanri kamateanNa Almasi; battuanna le'ba'mi nipammopporang dosa-dosata.

EFESUS 4:32

Paralluko baji' ati siagang tuna pa'mai' mae ri massing para ikau; kammayatompa massing sipammopporangko, sangkamma todong Napammopporangko Allata'ala tete ri Almasi.

KOLOSE 3:13

Musti sa'barakko mae ri parannu tau, siagang massing sipammopporangko punna sipammolikangko larro mae ri parannu tau. Nangaiko Napammopporang Batara; jari musti ero' tongko massing sipammopporang.