MATIUS 6:11 - KITTA' MATANGKASA'

¹¹ Kisarei ikambe anne alloa apa naparalluanga ikambe.

MATIUS 6:11 ပူးပေါင်းရင်းမြစ်များ

AYUB 23:12

Sikamma parentaNa tuli kuturuki, Kupinawangi ero'Na, teai ero' kalengku.

PAMMUJI 34:10

Pakala'biriki Batara, he ikau ngaseng umma'Na, nasaba' tena nalakakurangang tu mappilangngeria.

PANGNGEBARANG 30:8

Tena lalo kupaui kana-kana jekkonga siagang a'balle-ballea, siagang teaKi' lappassangia' a'jari kasi-asi yareka akkalumanynyang. Kisarea' apa kuparalluanga bawang.

YESAYA 33:16

Na lanijagai mako siagang laamang mako, rapang niakko lalang ri tembo' pattahangngang kassaka. Sadiai kanrea siagang inunganga untu' ikau.

MATIUS 4:4

Appialimi Isa Nakana, “Nia' tattulisi' lalang ri Kittaka angkanaya: Tena nalanri battu ri rotija bawang nakkulle attallasa' rupataua, mingka lanri battu ri kana-kana Napabattua pole Allata'ala.”

LUKAS 11:3

Kisarei allo-allo kanre naparalluanga ikambe.

2 TESALONIKA 3:12

Lanri koasaNa Batara Isa Almasi naparentakangi siagang napappakaingakkangi ikambe mae ri ke'nanga, sollanna anjama baji'-baji' ke'nanga, siagang namassing naboya katallassanna.

1 TIMOTIUS 6:8

Jari, punna nia'mo nikanre siagang nipake, angganna'mi anjo.

RUT 1:6

Siapa are wattu ribokoanganna, nalangngere' kabara'mi Naomi angkanaya nibarakkakimi umma' Israel ri Batara, na baji'mo wassele' lamung-lamunna ke'nanga. Lanri kammana, apparurumi Naomi siagang anjo ruaya ana' mintunna untu' ambokoi Moab.