MATIUS 5:46 - KITTA' MATANGKASA'

⁴⁶ Nasaba' punna iaji bawang tau angkamaseangako nukamaseang, apa paralluna Nabalasa' Allata'ala anjo panggaukannu? Sai manna parentea angngasseng tonji anggaukangi kammaya anjo?

MATIUS 5:46 ပူးပေါင်းရင်းမြစ်များ

MATIUS 11:19

Battuiseng Ana' Ma'rupataua – Nangnganre siagang angnginung; nanipakkanaimo ri taua, ‘Cinissai anjo taua, balalana siagang painunna! Manna pasingara' simaya siagang tau kodi sipaka Naagang ngaseng sipa'rappungang.’ Mingka manna nakamma mamo, lanipa'butti tonjia ero'Na Allata'ala lanri a'nyatana wassele'na.”

MATIUS 18:17

Punna tena ija napilangngeri pappakainga'na anjo siapaya tau, nampami nipau mange ri jama'aka. Kale'bakkanna, punna tena ijapa naero' ampilangngeri pappakainga'na jama'aka, pasangkammami pasingara' sima siagang tau kapere' anjo taua siagang tau tena natappa' ri Allata'ala.”

MATIUS 5:47

Na punna agannuji bawang nujamakki, apa la'bina kabajikannu? Kamanna tau kapereka nagaukang tonji kammaya.

MATIUS 6:1

“U'rangi, teako gaukangi apa napassuroanga agamanu ri dallekanna tau jaia, lanri ero'nu ampappiassengangi ri tau jaia. Punna kamma anjo batenu appanggaukang, mattantu tena nulanggappa pahala battu ri Allata'ala Manggenu niaka ri suruga.

MARKUS 2:15

Ri wattunna angnganre Isa ri balla'na Lewi, jaimi pasingara' sima siagang tau nicini' kodia ri tau jaia, angngagangi Isa siagang ana'-ana' gurunNa angnganre. Nasaba' jaimi ke'nanga amminawang ri Isa.

MARKUS 2:16

Nia'mo siapa are guru-guru agamana tu Farisia anciniki Isa angnganre siagang anjo pasingara' simaya siagang anjo tu nicini' kodia ri tau jaia. Jari akkuta'nammi ke'nanga ri ana'-ana' gurunNa Isa angkana, “Angngapa nasiagang gurunnu anjo pasingara' simaya siagang anjo tu kodi kammaya ngaseng, angnganre?”

LUKAS 15:1

Ri se'reang allo, jai pasingara' sima siagang tau nicini' kodi sipaka ri tau jaia, battu ampilangngeri Isa angngajara'.

LUKAS 18:13

Mingka anjo pasingara' simaya bellai ammenteng siagang tena nabarani acconga nai' ri langika. Napurusu'mi barambanna na nakana, ‘O, Allata'ala, Kikamaseanga', anne inakke tau dorakaya!’ ”

LUKAS 19:2

Anjoreng ri kotaya nia' sitau kapala pasingara' sima, sannaka kalumanynyanna, niarenga Zakheus.

LUKAS 19:7

Nalarro ngasemmo taua anciniki anjo passalaka. Nakanamo ke'nanga, “Pui'! A'lampai a'manaikang ri balla'na tau kodi sipaka!”

LUKAS 3:12

Battu tommi pasingara' rentea mae ri Yohanes ero' nije'ne'. Akkuta'nammi ke'nanga angkana, “O, Pa' Guru, apa musti nagaukang ikambe?” Appialimi Yohanes nakana,

LUKAS 5:29

Le'baki anjo appare'mi Lewi passua'-suarrang ri balla'na untu' antoanai Isa. Jaimi pasingara' sima siagang tau maraenganga battu angngagangi ke'nanga angnganre.

LUKAS 5:30

Nia'mo siapa are tu Farisi siagang guru-guru agama tena nasannang nyawana anciniki ke'nanga. Nakanamo ke'nanga ri ana'-ana' gurunNa Isa, “Angngapa nusipangnganreang siagang sipangnginungang ngaseng siagang pasingara' simaya kammayatompa tau kodi sipaka?”

LUKAS 7:29

Sikontu taua – kammayatompa pasingara' simaya – allangngereki Isa akkana kamma anjo; yangaseng minjo ke'nanga angkatutui apa-apa Natuntuka Allata'ala, naero' nasuro je'ne' kalenna ri Yohanes.

LUKAS 7:34

Niaki battu Ana' Ma'rupataua – nangnganre siagang angnginung – na nupakkanai, ‘Cini' sai anjo taua, balalana siagang painunna, aganna pasingara' simaya siagang tu dorakaya.’