MATIUS 5:39 - KITTA' MATANGKASA'

³⁹ Mingka anne kamma Kukana ri kau ngaseng: teako appasibalasaki gau' kodi mange ri tau le'baka a'gau' kodi ri kau. Passangalinna punna nia' antempaka'rangi pilisi' kanannu, boli'mi kamma natempaka'rang todong pilisi' kairinnu.

MATIUS 5:39 ပူးပေါင်းရင်းမြစ်များ

1 KARAENG-KARAENG 22:24

Jari majumi Na'bi Zedekia nampa a'reppese' ri Mikha na natempa ka'rang rupanna siagang nakana, “Antekamma olona laNabokoia' RohNa Batara nampa a'bicara ri kau?”

AYUB 16:10

Tassungke lompoi bawana taua ancau-caua'; naborongia' siagang natempa ka'rang pilisikku.

PANGNGEBARANG 20:22

Teako balasaki kaja'dallanga siagang kaja'dallang; tappakko ri Batara, Iami lantulungko.

PANGNGEBARANG 24:29

Teako angkanai, “Lakubalasaki mae ri ia apa le'baka nagaukang mae ri kalengku!”

YESAYA 50:6

Kutannangngangi dongkokku tau eroka amba'jia'; na pilisikku mae ri tau eroka ambi'buki janggokku. Tena nakugilingi rupangku ri wattungku nihina siagang nipi'rui.

PIRAUNG 3:30

Manna kinipakkanai siagang nitempaka'rang, parallui nitarima ngaseng anjo kammaya.

KAIMANGNGANG 19:18

Teako appasibalassi panggaukang kodi siagang teako kabirissi parannu tau, mingka kamaseangi parannu tau sangkamma nukamaseanna batangkalennu. INakke Batara.

MIKHA 5:1

Nakana Batara, “He Betlehem Efrata, ikau kalase'renna kota kaminang ca'dia ri Yehuda! Mingka battu ri kaumi laKupammumba sitau makoasaya untu' Israel, naia assala'na battu riolo duduji.”

MATIUS 5:40

Na punna nia' antuntukko mae ri hakinga ri pangadelanga lanri eroki naalle bajunnu, sareang tongi lipa'nu.

LUKAS 22:64

Nitongkokangi matanNa, nampa nikuta'nang, angkana, “Coba sai tappu, inai amba'jiKo?”

LUKAS 6:7

Nia' siapa are guru-guru agama siagang tu Farisi ero' amboyangi kasalang Isa, sollanna akkulle nituntu' Isa. Jari nacinikimi ke'nanga, maka laNaballei Isa anjo taua ri allo Pammari-marianga.

YOHANES 18:23

Appialimi Isa Nakana, “Punna nia' apa-apa sala Kupau, paumi anrinni angkana apa salana! Mingka punna annaba memang todong anjo Kupaua, apa saba'na nanutempaka'rangA'?”

1 KORINTUS 6:7

Teako angkana mangea bawang akkara-kara ri dallekanna tu tenaya na Karisteng nanusala; ba'lalo nampa mako assisala-sala para ikau nanunibeta lompomo. La'bi bajikangangi punna tanugappaya kaadelanga yareka nipakarugiko naia appakammaya anjo!

1 TESALONIKA 5:15

Jagai sollanna tena nanubalasa' kaja'dallanga siagang kaja'dallang. Usahako tuli a'gau' baji' mae ri massing para ikau, kammayatompa mae ri yangasenna taua.

IBRANI 12:4

Nasaba' lalang nuusahaina angngewai dosaya, tenapa nasa'genna musti nia' cera' tassolong.

YAKOBUS 5:6

Nuhukkummi siagang nubunomi tau tenaya salana, na tanaewayako ke'nanga.

1 PETRUS 3:9

Teako pasibalasaki kaja'dallanga siagang kaja'dallang, yareka kana-kana pali'bo siagang kana-kana pali'bo; mingka pappalakkangi barakka' mae ri Allata'ala; iaminjo nupa'balassang. Nasaba' iaji naNakiokko Allata'ala kaNakellaiko sollannu akkulle annarima barakka' battu ri Ia.