MATIUS 5:31 - KITTA' MATANGKASA'

³¹ “Nia' todong pangngajarang kammaya anne: Inai-nai antallaki bainenna, parallui nasare sura' talla'.

MATIUS 5:31 ပူးပေါင်းရင်းမြစ်များ

YEREMIA 3:1

Nakana Batara, “Punna nia' sitau baine nitalla' ri bura'nenna, nampa anjo bainea nibaineangi ri bura'ne maraeng, takkulleai anjo le'ba' bura'nenna ambaineangi pole ammotere', lanri anjo passala' kammaya lammanraki ri anne pa'rasanganga. Ikau tu Israel, jai sikalimi tanrinnu, antekamma batenu lakkulle ammotere' mae ri Nakke!

MALEAKHI 2:16

Nakana Karaeng Allata'alana Israel, “Kukabirisi nikanaya passitallakkang. Birisikka' punna nia' tau ri kau a'gau' palla' kamma anjo mae ri bainenna. Jari katutui kalennu siagang tea sikaliko amminrai pa'mai'nu mae ri bainennu.”

MATIUS 19:3

Battumi tu Farisia ero' ampa'boyangi kasalang. Akkuta'nammi ke'nanga angkana, “Manuru' ri atorang agamata, maka akkulleji taua antallaki bainenna manna napassala' apa mamo?”

MATIUS 19:7

Akkuta'nammi pole tu Farisia ri Ia angkana, “Punna paleng kamma, apa saba'na nanasuro taua Musa assarei sura' talla' bainenna punna natalla'?”