MATIUS 5:28 - KITTA' MATANGKASA'

²⁸ Mingka anne kamma Kukana ri kau ngaseng: Inai-nai accini' baine nabattumo cinnana a'gau' salimara', a'gau' salimara'mi siagang anjo bainea ilalang ri nyawana.

MATIUS 5:28 ပူးပေါင်းရင်းမြစ်များ

PA'JARIANG 34:2

Ri wattunna nicini' Dina ri Sikhem, iamintu ana'na Hemor tu Hewi, a'jari karaenga ri anjo daeraya, nalariammi Sikhem anjo tuloloa, nampa napassa nagau' sala.

2 SAMUEL 11:2

Ri se'reang karueng, ambangung tinrona Daud, a'jappa-jappai irate ri pattongko' lappara'na balla' kakaraenganga. Battu anjoreng nia'mo sitau baine sitabang a'je'ne', na teai sipato' ga'gana anjo bainea.

AYUB 31:1

“Le'ba'ma' assumpa siagang janji talaniakkami cinnaku anciniki tau loloa.

AYUB 31:9

Ebara' le'baka' cinna mae ri turiballa'na siampi' ballakku, siagang kutoa' cokko-cokko battu ri bokona pakke'bu',

PAMMUJI 119:96

Kuciniki angkanaya tena apa-apa sukku' sangka'na, parentaTaji bawang sukku' baji'na.

KALAPPASSANG 20:17

Teako kacinnai barang-baranna parannu rupatau, kammaya: balla'na, bainenna, ata-atanna, olo'-olo'na, keledaina, yareka apa-apa mamo baranna parannu tau.”

PANGNGEBARANG 6:25

Teako erokki nigoda ri kaga'ganna ke'nanga, teako takkontakki mae ri mata manynyonyo'na ke'nanga.

YEHEZKIEL 23:16

Ri wattunna nacini' Oholiba anjo gambara'-gambaraka, tenamo naparrangi balere'na siagang akkirimmi undangang mange ri anjo perwira-perwirana Babel.

KAIMANGNGANG 18:20

Teako assikatinroangngi siagang bainenna tau maraenga; anjo panggaukang kammaya napa'jari ra'masakko.

MATIUS 15:19

Nasaba' battu lalammi ri atia ammumba pikkirang-pikkirang ja'dalaka, a'jaria saba' nammuno taua, a'gau' salimara', a'gau' bawang, a'lukka', siagang appitina.

MATIUS 5:22

Mingka anne kamma Kukana ri kau ngaseng, inai-nai larro ri paranna tau, laniadeli sallang; siagang inai-nai ampali'boi paranna tau musti niadeli ri dallekanna Pangadelang Agamaya. Siagang inai-nai ampakkanai paranna tau, ‘Tolo,’ siratangi nipela' antama' ri pepe'na narakaya.

MATIUS 5:39

Mingka anne kamma Kukana ri kau ngaseng: teako appasibalasaki gau' kodi mange ri tau le'baka a'gau' kodi ri kau. Passangalinna punna nia' antempaka'rangi pilisi' kanannu, boli'mi kamma natempaka'rang todong pilisi' kairinnu.

ROMA 7:14

Niassemmi angkanaya anjo hukkung-hukkung agama Yahudia battu ri Allata'ala assala'na; mingka inakke anne lammai batangkalengku. Le'ba'ma' nibalukang untu' a'jari ata mae ri dosa-dosaya.

PAOLE 22:22

Punna nia' bura'ne nirapikang assikatinroang siagang baine maraeng, musti nihukkung mate rua-ruai. Kammaminjo carana nanupaccappu'mo anjo kaja'dallang kammaya.

2 PETRUS 2:14

Nasaba' tenamo lanrena ke'nanga a'gau' dosa, sa'genna ia mami pangngainna ke'nanga iamintu ancinikia tojengi baine pagau' bawanga. Na nanyonyo'mo tau beru tappaka siagang tau tenaya najarre' tappa'na. Le'ba' a'jari biasami atinna ke'nanga ri kangoanga. Anjo ke'nanga sangnging tau langgappa pangngalarroi!

1 YOHANES 2:16

Sikontu apa-apa niaka ilalang ri anne linoa, iamintu sikontu apa-apa nakaerokia sipa'-sipa' ma'rupatauna tau dorakaya, sikontu apa-apa nicinika siagang eroka nikammai, siagang sikamma apa-apa akkullea nikalompoang pa'mai' ri anne linoa, yangasenna anjo teai Allata'ala Manggea assala'na: passangalinna battu ri linoa assala'na.