MATIUS 5:26 - KITTA' MATANGKASA'

²⁶ Na u'rangi angkanaya: Ma'nassa takkulleako assulu' battu ri anjo tarungkua punna tena nalappasa' ngaseng inrang nipassalanu.”

MATIUS 5:26 ပူးပေါင်းရင်းမြစ်များ

MATIUS 10:29

Ruang kayua cui-cui akkullei niballi se're seng. Mingka manna nakamma mamo, manna sikayua takkulleai tu'guru' naung ri buttaya punna taNakaerokangi Allata'ala Manggea.

MATIUS 18:34

Teaimi sipato' larrona anjo karaenga. Nasuro pantama'mi ri tarungkua anjo ata kodi sipaka sa'genna nalappasi ngaseng inranna.”

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

MATIUS 25:46

Jari lanihukkung ngaseng minjo taua sa'genna satunggu-tungguna. Mingka tau anggaukangai ero'Na Allata'ala, lanakasia'mi katallassang sitojennaya siagang mannannunganga.”

MARKUS 12:42

Nampa nia' tommo battu sitau janda kasi-asi appantama' rua doe' tambaga, iamintu doe' kaminang ca'dia anggaranna.

LUKAS 12:58

Punna nia' tau antuduko nanaerangko mange ri pangadelanga, assiama' mako linta' siagang anjo taua ri wattu tenanapa nunrapi' mange ri pangadelanga. Nasaba' punna tena, tena tanare'resannu mange ri dallekanna hakinga; nampa napassareangko anjo hakinga mae ri pulisia; nampa napantamakko pulisia ri tarungkua.

LUKAS 12:59

Patappa'mi! Angkanaya, takkulleako assulu' battu ri anjo tarungkua punna tenapa nalappasa' dendanu.”

LUKAS 16:26

Nampa kamma-kamma anne nasimbang maki' se're kali'bong sannaka lantanna, sollanna takkullea tau niaka anrinni a'limbang mange antureng, kammayatompa tau niaka antureng takkulleai a'limbang mae anrinni!’

2 TESALONIKA 1:9

Anjo tau kammaya langgappai hukkungang kapanrakang sa'genna satunggu-tungguna; nipelaki assulukang battu ri pammantanganNa Batara, battu ri kalompoanNa siagang kakoasanNa,

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!