MATIUS 5:25 - KITTA' MATANGKASA'

²⁵ Ebara'na nia' tau antuntukko mange ri pangadelanga, assibajiki memang mako lalang nia'na ija wattu, lalang tenanapa nubattu mange ri pangadelanga. Nasaba' punna tenapa nussibajiki nanubattu mange ri pangadelanga, tena tanapassareannu anjo taua mange ri hakinga; nampa hakinga ampassareangko mange ri pulisia; nampa napantamakko pulisia ri tarungkua;

MATIUS 5:25 ပူးပေါင်းရင်းမြစ်များ

AYUB 22:21

Jari, Ayub, assiama' mako siagang Batara, sollanna nunggappa kasannangngang. Punna nugaukang kammaya anjo, mattantu anggappako kaupakkang.

PAMMUJI 32:6

Lanri kammana sikamma tau bajika parallui appala' doang ri wattunna nakasia' kasukkarranga, sa'genna punna battu a'ba kasusaanga, tena nanilo'lorangi.

PANGNGEBARANG 25:8

Teako akkaro-karo dudu angngerangi parkaranu mange ri pangadelang; saba', punna kale'bakkanna a'nyatai angkana ikau sala, apapi pole akkulle nugaukang?

MATIUS 26:58

Battu bellami Petrus ampinawang bokoi Isa, sa'genna paranglakkenna Imang Lompoa. Antama'mi ammempo ri alla'na pajagaya, ero' naasseng angkanaya antekamma kale'bakkanna lakajarianga ri Isa.

LUKAS 18:3

Ri anjo kotaya, nia' todong sitau janda. Anjo jandaya, a'mole-molemi mange andallekang ri anjo hakinga, sollanna nisare ammeta lalang ri kara-karana nibicaraya. Nakana anjo jandaya, ‘Kitulunga' angngewai balingku.’

2 KORINTUS 6:2

Nakana Allata'ala lalang ri Kittaka, “Ri wattu pangngellaingKu, Kupilangngerimi pappala'nu, siagang ri wattu allo kasalamakkanga, Kupasalama' mako.” U'rangi baji'-baji'! Iaminne wattua, wattu pangngellaiNa Allata'ala. Kammayatompa iaminne alloa, allo pappasalama'Na Allata'ala.

IBRANI 12:17

Nanuassemmo angkanaya ribokoanganna anjo, eroki Esau anggappa barakka' battu ri manggena, mingka tanisareai. Nasaba' manna pole angngarru'-arruki appala' lanapakabaji' anjo kasalanna, mingka tenamo kasampatang.

IBRANI 3:13

Jari sollanna tena manna sitau ri tangnga-tangnganu nitipu ri dosaya sa'genna tamappilangngeria ri Allata'ala, paralluko allo-allonu sipakainga' ilalang attallasatta ija ri anjo jammang napakkanaia Kittaka “Anne Jammanga”.

IBRANI 3:7

Lanri kammanami anjo, sangkamma Napaua RohNa Allata'ala, “Punna nulangngere' sa'ranNa Allata'ala anne alloa,