MATIUS 5:22 - KITTA' MATANGKASA'

²² Mingka anne kamma Kukana ri kau ngaseng, inai-nai larro ri paranna tau, laniadeli sallang; siagang inai-nai ampali'boi paranna tau musti niadeli ri dallekanna Pangadelang Agamaya. Siagang inai-nai ampakkanai paranna tau, ‘Tolo,’ siratangi nipela' antama' ri pepe'na narakaya.

MATIUS 5:22 ပူးပေါင်းရင်းမြစ်များ

PA'JARIANG 37:4

Nacini'na sikamma daenna Yusuf angkanaya la'bi ningaiangngangi Yusuf ri manggena na kalenna ke'nanga, birisi'mi ke'nanga mae ri Yusuf. Sa'genna taerokami ke'nanga a'bicara baji' mae ri ia.

PA'JARIANG 37:8

Nipauammi ri sikamma daenna angkana, “Nukapangi angkana la'jari karaengko siagang lakoasako mae ri kambe?” Jari pila' birisi'mi sikamma daenna lanri so'na-so'nana siagang lanri apa anjo nacaritaya.

2 SAMUEL 16:7

Nitunrami ri Simei angkana, “A'lampako! A'lampako! Pabuno tau! Tau ja'dala'!

2 SAMUEL 6:20

Ri wattunna ammotere' Daud mange ri balla' kakaraenganga untu' assarei sallang kaluargana, assuluki Mikhal anruppai Daud na nakana, “Anne alloa ma'nassa napakala'biri' tojeng-tojengi kalenna karaenna tu Israel! Assolaraki sangkamma tau tolo tenaya nangngasseng siri'-siri', ri dallekanna ngaseng ata-ata bainena sikamma pagawena balla' kakaraenganga!”

1 KARAENG-KARAENG 21:4

Lussa'mi siagang larromi pa'mai'na karaenga nalangngere'na anjo kananna Nabot ri ia. Ammotere'mi nampa anra'ba ri katinroanna taeroka assaile siagang taerokai angnganre napakamma.

2 PATTOTTORANG 16:10

Sanna' larrona Karaeng Asa allangngereki anjo kananna Na'bi Hanani sa'genna napantama' anjo Na'bia ri tarungkua. Iatommi anjo wattua nanasessa Asa siapa are tau battu ri ra'ya'na.

2 PATTOTTORANG 19:5

Ri tunggala' kota niaka tembo' pattahanganna ri Yehuda, angngangkaki haking-haking,

NEHEMIA 5:8

Kukanamo ri ke'nanga, “Nipikulle-kulleimi nakkulle nipasulu' sikamma sari'battanta tu Yahudi ia tarpassaya ambalukangi kalenna mae ri bansa maraenga. Mingka angngapa nakamma-kamma anne ikau ngaseng ba'lalo ampassai ke'nanga ambalukangi kalenna mae ri kau ngaseng, na ikau tu Yahudi ngaseng tonjako!” Tappialiami anjo sikamma pamimpinga manna sibuku kana.

PAMMUJI 109:3

Nabakkaia' ke'nanga siagang kana-kana pangngabirisi, nabundukia' ke'nanga natena passabakkanna.

PAMMUJI 14:1

Untu' pamimpin pakelong. Pammujina Daud. Tu toloa nakana ri pa'mai'na, “Tena Allata'ala.” Panggaukanna ke'nanga ja'dalaki siagang rantasaki tena nia' a'gau' baji'.

PAMMUJI 25:3

Tu ta'baleka ri Katte lanipakasiriki, mingka tu tappaka ri Katte tena nalanipassalasa.

PAMMUJI 35:19

TeaKi' balang parekangia' nipare' karek-karenang ri tau ambalianga' natena saba'na. TeaKi' balang parekangia' nigorai ri tau birisika ri nakke natena saba'na.

PAMMUJI 37:8

Teako larroi siagang teako bambangi nyawanu, anjo cilakaji bawang naerang.

PAMMUJI 49:10

sollanna akkulle a'lili battu ri kamateanga nakkulle attallasa' satunggu-tungguna.

PAMMUJI 69:4

Akkio'-kiokka' sa'gengku mangngang nakalotoro'mo karro'-karrokku. Paccemi matangku antayangi pannulunNa Allata'alaku.

PAMMUJI 7:4

O, Batara Allata'alaku, ebara' kodi sipaka', a'gau' ja'dala' ri belaku, yareka kupakarugi natena saba'na, ebara' kammai panggaukangku,

PAMMUJI 92:6

Tamaka lompona sikamma panggaukanTa, o, Batara, tamaka lantanna sikamma pikkiranTa!

PANGNGEBARANG 14:16

Tau bajika akkala'na tutui na bella battu ri kaja'dallanga, tau dongoka lintaki nai' larrona, nampa amang nasa'ring.

PANGNGEBARANG 18:6

Punna a'bicara tau toloa, appaumbai pa'beserang siagang eroki niajara'.

YEREMIA 17:11

Rapang jangang-jangang anggoppoki bayao teai bayaona, kammaminjo tau jekkonga anggappa pa'barang-barangngang. Ri attangnga umuru'na latappela' ngasengi barang-baranna. Ri kala'busang tallasa'na a'butti angkana ia tau dongo' sikali.

PIRAUNG 3:52

Rapanga' jangang-jangang, niondang ri musu natakuassenga apa salangku.

DANIEL 3:13

Nalangngere'na karaenga anjo kammaya, teaimi sipato' larrona. Appasulu'mi parenta sollanna nierang anjo tau tallua andallekang ri ia.

DANIEL 3:19

Jari a'reremi larrona Karaeng Nebukadnezar mae ri Sadrakh, Mesakh siagang Abednego, sa'genna a'jari eja sikali rupanna. Naparentakammi sollanna nitambai a'lappi tuju bambanna anjo pepeka.

OBAJA 1:10

“Le'bakko a'gau' palla' mae ri sikamma sari'battannu iamintu jari-jarina Yakub. Lanri kammana anjo laKupanrakiko siagang nicallako ri taua lalang sikontuna jammanga.

OBAJA 1:12

Tena nusiratang lasannang nyawanu mae ri sare kodina tu Yehuda siagang rannu pa'mai'nu ri allo kapanrakanna anjo sari'battannu. Tena nusiratang a'bicara lompo ri wattu natujuna susa.

MATIUS 10:17

A'jaga-jagako, nasaba' lanijakkalakko sallang nampa nierangko mange andallekang ri pangadelang agamaya. Lanisessako ri balla' sambayanga.

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

MATIUS 12:24

Nalangngere'na tu Farisia anjo pakkuta'nanga, appialimi ke'nanga angkana, “Nakkulle Nabongka setanga anne taua, lanri le'ba'naji nisare koasa ri pinggawana setanga.”

MATIUS 17:5

Lalang a'bicarana Petrus, nia'mo rammang accaya manaung irateanganna ke'nanga. Nania'mo sa'ra kalangngerang battu lalang ri anjo rammanga angkana, “Iaminne Ana' nikamaseangKu. Napakate'nei atingKu. Pilangngerimi kananNa!”

MATIUS 18:21

Le'baki anjo mangemi Petrus akkuta'nang ri Isa angkana, “O Batara, punna sala sari'battangku ri nakke, pissiapai akkulle kupammopporang? Sa'genna pintuju?”

MATIUS 18:35

Na ri kala'busang caritaNa Isa Nakanamo, “Kammatommi anjo sallang laNagaukanga ManggeKu ri kau ngaseng, punna tena nuero' ampammopporangi sari'battannu siagang ati maci'nonnu.”

MATIUS 23:15

Cilaka ngaseng mako ikau guru-guru agamaya siagang tu Farisia, lanri nungaina assara-saraia! A'lampa bella mako a'limbang tamparang, nujappai ngasemmi tompo'na buttaya, naporo sitauji bawang ero' nupantama' ri agamanu. Na punna antama'mo anjo taua ri agamanu, nupa'jarimi parekang tulantamaka ri naraka, a'lappi ruaya ja'dala'na na ikau ngaseng!

MATIUS 23:33

E, ikau ngaseng tau ja'dalaka siagang sossorang tau ja'dalaka! Antekamma lakkulle nuliliang hukkunganga ri naraka?

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

MATIUS 26:59

Sikamma imang-imang kapalaya kammayatompa sikamma haking Pangadelang Agamaya, massing a'boyami sa'bi a'balle-balle, sollanna akkulle nihukkung mate Isa.

MATIUS 3:17

Nampa nia' kalangngerang sa'ra battu rate ri langika angkana, “Iaminne AnakKu Kukamaseanga. Iami nakate'neang atingKu.”

MATIUS 5:34

Mingka anne kamma Kukana ri kau ngaseng: tea' laloko assumpai. Teako assumpai lanri langika, nasaba' anjo langika empoang kala'biranNa Allata'ala;

MATIUS 5:44

Mingka anne kamma Kukana ri kau ngaseng: kamaseangi sikontu balinnu siagang pappala' doangangi tau assessayako,

MARKUS 14:55

A'boyami butti-butti sikontu imang kapalaya siagang haking-haking Pangadelang Agamaya, ero' ansalakangi Isa, sollanna akkulle nahukkung mate. Mingka tena sikali butti akkulle nagappa ke'nanga.

MARKUS 15:1

Ri bari'basa' dudua akkaro-karomi sipa'bicara sikontu hakinga ri Pangadelang Agamaya siagang imang-imang kapalaya, pamimping-pamimpinna tu Yahudia kammayatompa guru-guru agamaya. Nasikko'mi ke'nanga Isa nampa naerang mange napassareang ri Pilatus.

LUKAS 12:5

Baji'mi punna Kupauangko inai musti nukamallakkang. Iamintu, malla' mako ri Allata'ala. Nasaba' Iami akkulle ambunoko, siagang punna le'ba' mako Nabuno, akkulle tongko' Napantama' ri naraka! Tappa' mako, angkanaya Iaji bawang siratang nukamallakkang.

LUKAS 22:66

Ri bari'basa'na, a'rappungammi pamimping-pamimpinna tu Yahudia, imang-imang kapalaya, siagang guru-guru agamaya, nampa naerang Isa mange ri dallekanna Pangadelang Agamaya.

YOHANES 11:47

Jari a'rappungammi tu Farisia, imang-imang kapalaya, kammayatompa haking-hakinga ri Pangadelang Agamaya. Nakanamo ke'nanga, “Apa musti nigaukang? Anjo taua jai sikali gau'-gau' appakalannasa' Nagaukang!

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

YOHANES 7:20

Appialimi anjo tau jaia angkana, “PongorokKo antu! Inai ero' ambunoKo?”

YOHANES 8:48

Appialimi anjo tu Yahudia ri Isa angkana, “Sai kammatojengi kananna ikambe angkanaya ikau mintu tu Samaria nasosoka setang?”

LAMPA-LAMPANA 17:18

Assigea'mi Paulus siagang guru-guru battua ri golongang Epikuros siagang golongang battua ri Stoa. Nia' siapa are maraeng ri ke'nanga angkana, “Apa todong naasseng anne taua? Sike'de' duduji pangngissenganna mingka teai sipato' jaina bicaranna!” Nia' todong siapa are tau angkana, “Kamma nicini' rewata-rewata bansa maraeng nakabarrang.” Akkana kammai anjo ke'nanga, lanri passala'Na Isa siagang passala' attallasa'Na ammotere' Isa battu ri kamateanga nabicara Paulus mae ri ke'nanga.

LAMPA-LAMPANA 22:30

Ero' dudumi anjo komandang pasukang Romaya angngassengi angkanaya passabakkang apa sitojenna nanipasala Paulus ri anjo tu Yahudia. Jari ammukona nakio'mi imang-imang kapalaya siagang anggota-anggotana Pangadelang Agamaya sollanna a'rappungang ke'nanga. Nampa nala'gasi passikko'na Paulus, nanaerang mange ri dallekanna ngaseng ke'nanga.

LAMPA-LAMPANA 23:1

Najanjang tasse're-se'remi Paulus anjo anggota-anggotana pangadelang agamaya, nampa nakana, “Sikamma sari'battangku! Sa'genna anne alloa tena kukasia' ri pa'maikku angkanaya sala' mae ri Allata'ala ri katallassangku.”

LAMPA-LAMPANA 24:20

Yareka boli'mi kamma nakalenta ngaseng anne taua ampa'butti angkanaya kaja'dallang apa nagappa ri kalengku, ri wattungku niadeli ri dallekanna Pangadelang Agamaya.

LAMPA-LAMPANA 4:15

Jari nasuromi ke'nanga assulu' Petrus siagang Yohanes battu ri kamara' sidanga, nampa sipa'bicara ke'nanga.

LAMPA-LAMPANA 5:21

Naturukimi sikamma tunisuroNa Allata'ala anjo apa napappasanganga anjo malaekaka. Ri bari'basa' dudua, a'lampami ke'nanga mange ri Balla'Na Batara, nappakkaramula angngajara' anjoreng. Anjo wattua a'rappungammi pole imang lompoa siagang taunna ngaseng, ero' sipa'bicara siagang pamimping-pamimpinna tu Yahudia. Nampa nasuro taua mange angngallei anjo sikamma tunisuroNa Allata'ala, battu ri tarungkua, lanaerang mae ri dallekanna ke'nanga.

LAMPA-LAMPANA 5:27

Nierammi anjo sikamma tunisuroNa Allata'ala antama' ri pangadelanga. Nampa niparessa ke'nanga ri imang lompoa.

LAMPA-LAMPANA 6:12

Kammaminjo batena ke'nanga angkompa-kompa salai sa'genna nassu tau jaia, pamimping-pamimpinna tu Yahudia, kammayatompa guru-guru agamaya. Mangemi ke'nanga anjakkalaki Stefanus, nampa naerang mange andallekang ri pangadelang agamaya.

LAMPA-LAMPANA 6:15

Nicinikimi Stefanus ri sikontu tau niaka hadere' lalang ri anjo sidang Pangadelang Agamaya. Na anjo wattua, attanja' kammami malaeka' nicini' rupanna Stefanus.

LAMPA-LAMPANA 7:37

Ia tomminjo Musa angkanaya ri bansa Israel, ‘LaNasareko Allata'ala sitau na'bi nipilea battu ri tangnga-tangnganu, sangkammaya bateku Napilei.’

ROMA 12:10

Musti massing sikamaseang duduko sangkamma tau assari'battanga lalang se're balla'; kammayatompa massing sipirioloiko assare sallang.

1 KORINTUS 6:10

inai-nai a'lukka', angngoa, siagang painung, inai-nai nangai ambicara kodi paranna tau siagang ampaccoki paranna tau – yangasemmi anjo tau kammaya takkullea a'jari umma'Na Allata'ala.

1 KORINTUS 6:6

Mingka angngapa nania' ri kau mange antuntuki paranna tu Karisteng ri dallekanna tu tenaya na Karisteng?

PAOLE 15:11

Ri alla'na bansa Israel tuli lania'na siapa are tu kasi-asi siagang kakurangang. Lanri kammana anjo nakuparentakangko sollannu lammoro' pa'mai' mae ri ke'nanga.”

PAOLE 16:18

“Ri tunggala' kota Napassareanga Karaeng Allata'alanu mae ri kau, musti angngangkakko haking-haking siagang patugasa'-patugasa' maraengannaya untu' angngadeli kara-karana ra'yaka siagang adele'.

1 TESALONIKA 4:6

Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.

TITUS 3:2

Pauangi ke'nanga sollanna tena napitinai paranna tau, passangalinna parallui assiama' siagang sombere' mae ri taua. Siagang parallui tuli tuna kana-kananna ke'nanga mae ri yangasenna taua.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

IBRANI 5:9

Jari ri le'ba'namo nipa'jari Tumappasalama', a'jarimi patteteang kasalamakkang mannannungang mae ri sikamma tau mannurukia ri Ia;

YAKOBUS 2:20

Ma'nassa sanna' dongo'nu! Maka paralluko nipa'buttiang angkanaya ma'nassa tena matu-matunna nia' tappatta punna tena na'nyata lalang ri panggaukanta?

YAKOBUS 3:6

Anjo lilaya sanrapangi pepeka. Iami akkulle nakabattui kaja'dallanga lalang ri batangkalenta; akkullei a'la'bang anjo kaja'dallanga mae ri sikontu batangkalenta battu ri anjo lilaya. Akkullei ammutung sikontu katallassanta napakamma pepe' battua ri naraka, passabakkang lilata.

1 PETRUS 2:23

Ri wattunna nipali'boi, tena Na'balasa' appali'bo. Ri wattunna sessa, tena Na'garatta'; poro Nabuangammi anjo parkaraya mae ri Allata'ala, Haking adeleka, sikamma kara-kara antujuai.

1 PETRUS 3:9

Teako pasibalasaki kaja'dallanga siagang kaja'dallang, yareka kana-kana pali'bo siagang kana-kana pali'bo; mingka pappalakkangi barakka' mae ri Allata'ala; iaminjo nupa'balassang. Nasaba' iaji naNakiokko Allata'ala kaNakellaiko sollannu akkulle annarima barakka' battu ri Ia.

1 YOHANES 2:9

Inai-nai nakana kalenna niaki lalang ri singaraka mingka nakabirisi sari'battanna, ma'nassa niaki lalang ri sassanga sa'genna kamma-kamma anne.

1 YOHANES 3:10

Iaminne sisalana ana'-ana'Na Allata'ala siagang ana'-ana'na Billisika: inai-nai tena nagaukangi ero'Na Allata'ala, yareka tena nakamaseangi paranna tau, anjo taua teai ana'Na Allata'ala.

1 YOHANES 5:16

Punna nia' nucini' parannu tu Karisteng a'gau' dosa natenaja nangngerang kamateang, paralluko appala' doang ri Allata'ala; nalanisaremo katallassang anjo taua. Anne natabaya iamintu tau a'gau' dosaya, mingka tenaja nangngerang kamateang. Mingka nia' gau' dosa angngerang kamateang; tena nakukana musti appala' doangko mae ri Allata'ala lanri anjo passalaka.

YUDAS 1:9

Manna kalenna Mikhael, iamintu kapalana malaekaka, tale'bakai a'gau' kamma anjo. Ri wattunna a'besere' siagang Billisika passabakkang inai langgappai maya'na Musa, tena nabarani Mikhael angngadeli siagang bicara hina Billisika. Angkanaji bawang Mikhael, “LaNapakainga' lompoko Batara!”

PAPPICINI' 20:14

Nampa nipasambilamo Kamateanga siagang Lino Kamateanga antama' ri tamparang pepeka. (Anne tamparang pepeka, iamintu kamateang makaruaya.)