MATIUS 5:20 - KITTA' MATANGKASA'

²⁰ Jari u'rangi anne: Takkulleako a'jari umma'Na Allata'ala, punna tena nabajikangang batenu anggaukangi ero'Na Allata'ala naanjo guru-guru agamaya siagang tu Farisia!”

MATIUS 5:20 ပူးပေါင်းရင်းမြစ်များ

MATIUS 16:12

Kale'bakkanna napahammi ana'-ana' gurunNa Isa angkanaya nisuroi ri Isa sollanna tutu ke'nanga ri pangngajarang salana tu Farisia siagang tu Sadukia. Jari teai passala' nikellaina ke'nanga tutu ammake pa'gambang punna appare' roti.

MATIUS 18:5

Na inai-nai antarimai ana'-ana' sanrapanga anne lanri iNakke, sanrapang iNakkemi natarima.”

MATIUS 3:10

Sadiami pangkulu' lanipata'banga ri poko' kayua sa'genna ri aka'-aka'na. Sikamma poko' kayu tenaya nabaji' rapponna lanita'bangi nampa nipela' antama' ri pepeka.

MATIUS 7:21

“Tayangasenga tau akkioka ri Nakke angkana, ‘O, Batara, o, Batara,’ la'jari umma'Na Allata'ala; mingka iaji bawang tau anggaukangai ero'Na ManggeKu ri suruga.

MARKUS 10:15

U'rangimi anne! Inai-nai tena na'jari sanrapang anne anaka andallekang ri Allata'ala, takkulleai a'jari umma'Na Allata'ala.”

MARKUS 10:25

La'bi lomoangangi sikayua unta antama' ri so'bolo' jarunga kala tau kalumanynyanga antama' ri Lino BeruNa Allata'ala.”

LUKAS 11:44

Cilaka ngaseng mako! Nasaba' sanrapangko jera' tenaya mesanna, nionjo'-onjokanga ri taua natanaassenga taua.”

LUKAS 12:1

Anjo wattua assa'bu-sa'bui jaina tau battu. Assiassa'-assa'mi ke'nanga, sa'genna nia'mo tau nionjokang bangkenna. Lalang a'lipunnamo taua, Nakanamo Isa ri ana'-ana' gurunNa, “Tutuko mae ri pa'gambanna tu Farisia. Battuanna kanangKu, tutuko mae ri sipa'-sipa' munape'na ke'nanga.

LUKAS 18:17

U'rangi! Inai-nai tena na'jari sanrapang anne ana'-anaka battu andallekang ri Nakke, takkulleai a'jari umma'Na Allata'ala.”

2 KORINTUS 3:9

Punna kamma anjo lompona cayana parjanjiang anghukkungai rupataua, tantu la'bi lompoangangi pole cayana anjo parjanjiang akkullea ampakabajiki ammotere' passisambunganna rupataua mae ri Allata'ala.

2 KORINTUS 5:17

Inai-nai ampakase'remi kalenna mae ri KalenNa Almasi, a'jarimi tau le'ba' niberui taba sikali tallasa'na. Tenami apa-apa salloa ri kalenna, lanri le'ba' ngasemmi niberui.

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.

IBRANI 12:14

Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.

PAPPICINI' 21:27

Mingka tau anggaukangai apa appakaringi'-ringika, tau a'balle-ballea, bodona kana, sikontu apa-apa ra'masaka tena sikali nakkulle antama' anjoreng. Ia lanipa'biang antama' iamintu tau niaka bawang tattulisi' arenna lalang ri kitta'Na anjo Ana' Gimbalaka, iamintu Kitta'na Tau Attallasaka.