MATIUS 5:17 - KITTA' MATANGKASA'

¹⁷ “Teako sala pahang kanukana battuA' assuro pelaki atorang agama napabattua Musa siagang napangngajarranga na'bi-na'bia. Tena naKubattu assuro pelaki, passangalinna eroki Kupakasingara' battuanna sitojennaya.

MATIUS 5:17 ပူးပေါင်းရင်းမြစ်များ

YESAYA 42:21

Mangngellai Batara appasalama'; Nakellai nipakalompo siagang nipakala'biri' hukkunNa.

MATIUS 3:15

Mingka appialimi Isa Nakana, “Boli'mi kamma rolong ri kamma-kammaya anne. Nasaba' lanri kammana minjo nanigaukang ngaseng sikamma Nakaerokia Allata'ala.” Jari nije'ne'mi Isa ri Yohanes.

MATIUS 7:12

Gaukammi ri parannu tau apa nungaia lanagaukang parannu tau ri kalennu. Iaminjo hukkung napabattua Musa, siagang pangngajaranna na'bi-na'bia.”

LUKAS 16:17

Mingka la'bi lomoangangi lanynya' langika siagang linoa kala lanipattaenai se'rea hurupu'na Atorang battua ri Allata'ala.

YOHANES 8:5

Nia' atorang lalang ri hukkung napassareanga Musa angkanaya, anne baine kammaya musti nisambilai batu sa'genna mate. Kamma-kamma anne, antekamma panggappaTa?”

LAMPA-LAMPANA 18:13

Kammaminne tuntutanna ke'nanga mae ri Paulus, “Anne taua ampangarui tau jaia anynyomba sala ri Allata'ala; nasaba' sisalai anjo apa napangngajarranga siagang apa Napassuroanga Allata'ala le'baka napabattu Musa mae ri kambe!”

LAMPA-LAMPANA 21:28

Nakkio' ke'nanga angkana, “He, tu Israelka, bantu saiki'! Iaminne tau le'baka a'lampa mange-mange angngajaraki sikontu taua pangngajarang angngewai bansa Israelka, siagang andakkai sikamma parentaNa Allata'ala, le'baka napabattu Musa; kammayatompa nahina tongi anne Balla'Na Batara. Na kamma-kamma anne ba'lalo naerammi bansa-bansa maraenga antama' ri Balla'Na Batara, anra'ma'-ra'massi anne tampa' matangkasaka!” (

LAMPA-LAMPANA 6:13

Siagang naerang tommi ke'nanga battu andallekang sa'bi-sa'bi a'balle-ballea, ero' ambattalli Stefanus. Nakanamo anjo sa'bi-sa'bia, “Anne taua tuli nahinai Balla'Na Batara matangkasaka, siagang nahinai sikamma parentaNa Allata'ala napabattua Musa.

ROMA 10:4

Anjo hukkung-hukkung agamaya le'ba'mi Napa'ganna' Almasi. Jari inai-nai tappa' mae ri Almasi, a'jari baji'mi ammotere' passisambunganna siagang Allata'ala.

ROMA 3:31

Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

ROMA 8:4

Kammaminjo Nagaukang Allata'ala, sollanna akkulle nigaukang anjo apa-apa Nakaerokia lalang ri hukkung-hukkung agama Yahudia, lalang ri batangkalenta ikatte tau mannurukia mae ri RohNa Allata'ala, jari teai mannurukia mae ri sipa'-sipa' ma'rupatauta.