MATIUS 5:15 - KITTA' MATANGKASA'

¹⁵ Tenanniakka tau apparinra lampu nampa natongko' katoang. Passangalinna naboliki irate ri pa'dongkokanna, sollanna nasingari ngasengi tau niaka lalang balla'.

MATIUS 5:15 ပူးပေါင်းရင်းမြစ်များ

KALAPPASSANG 25:37

Apparekko tuju lampu ri bangkenna anjo lampua siagang pataba bajiki sa'genna tassioro' mae ri dallekang singara'na.

ZAKHARIA 4:2

Akkuta'nangi angkana, “Apa nucini'?” Appialima' angkana, “Se're bangkeng lampu bulaeng. Ri coppo' ratena nia' pammolikang minynya', siagang ri tammulilina nia' tuju lampu, massing niaka tuju tampa' sumbuna.

PAMMILANGNGANG 8:2

“Pauangi Harun angkanaya punna napataba anjo tujua lampu mae ri anjo bangkeng lampua, musti napataba bajiki sollanna akkulle nasingari bageang dallekanna anjo lampua.”

MARKUS 4:21

Le'baki anjo Nakanamo pole Isa, “Maka le'baki nia' tau apparinra lampu nampa natongko' katoang, yareka naboli' rawanganna katinroanga? Maka tena napadongkoki irate ri pa'dongkokanna?

LUKAS 11:33

“Tenanniakka tau apparinra lampu, nampa nacokko yareka natongko' katoang. Passangalinna lanaboliki anjo lampua irate ri pa'dongkokanna, sollanna akkulle nicini' singara'na ri tau antamaka ri balla'.

LUKAS 11:36

Punna singara' sikontu batangkalennu, yareka tena sikali manna sike'de' sassanna, ma'nassa lasingara' sikali sikontu batangkalennu, sanrapang nisiori ri cayana lampua.”

LUKAS 8:16

“Tenanniakka tau apparinra lampu, nampa natongko' katoang, yareka naboli' rawanganna katinroanga. Mingka lanaboliki irate ri pa'dongkokanna, sollanna punna nia' tau antama' akkullei nacini' singara'na.

FILIPI 2:15

Lanri kammanami anjo nanupappicinikammo angkanaya ma'nassa ana'-ana'Nako Allata'ala tenaya callanna, lambusuka siagang annabaya batena attallasa' ri tangnga-tangngana tau ja'dalaka siagang dorakaya. Siagang ri wattunna nupabattu mae ri ke'nanga anjo biritta katallassanga, paralluko a'jari sanrapang singara' mae ri ke'nanga, ansioriai linoa. Punna kamma anjo batenu attallasa', nia'mo sallang alasangku langkalompoang pa'maikko, ri wattunna battu poleang ammotere' Isa Almasi. Iaminjo buttina angkanaya tena nasia-sia usahaku, passangalinna nia'ja wassele'na.

IBRANI 9:2

Se're pammantangang nipaenteng niarenga Kamara' Matangkasa' bageang ri dallekanna. Anjoreng nia' bangkeng pa'dongkokang kanjoli, siagang niaka mejang pammantangang roti lanipangngadakkanga mae ri Allata'ala.

PAPPICINI' 2:5

Lanri kammana, u'rangi angkanaya teaimi sipato' lantanna katu'gurannu! Toba' laloko ri dosa-dosanu, siagang gaukangi ammotere' apa le'baka nugaukang ri pakaramulanna. Punna tena, labattuA' nampa Kubi'bu' ammotere' anjo bangkeng lampunnu battu ri pammantanganna.