MATIUS 5:14 - KITTA' MATANGKASA'

¹⁴ Ikau ngasemmi rapang singara'na anne linoa. Kota niaka irate ri bontoa takkulleai nicokko.

MATIUS 5:14 ပူးပေါင်းရင်းမြစ်များ

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

YEHEZKIEL 5:5

Nakana Batara Kaminang Tinggia, “Ciniki, iaminne Yerusalem. Anne kotaya Kuboliki ri pocci'na linoa, siagang bansa-bansa maraenga ri tammulilina.

YOHANES 12:36

Tappa' mako ri anjo singaraka, ilalang nia'na ija anjo singaraka ri tangnga-tangnganu, sollannu a'jari ana'-ana' singaraka.” Le'baki akkana kamma anjo Isa, a'lampami ambokoi anjo tampaka, siagang taerokami ampappicinikangi KalenNa ri ke'nanga.

YOHANES 5:35

Anjo Yohanes, sanrapangi lampu a'rinraya siagang tassioroka cayana. Untu' sinampekang, nungai antarimai anjo cayana.

YOHANES 8:12

A'bicarami pole Isa mae ri tau jaia, Nakana, “INakke minne sanrapang singara'na linoa. Inai-nai amminawang ri Nakke, tena nala'jappa lalang ri sassanga, mingka nagappami singara'na katallassanga.”

YOHANES 9:5

Ilalang niakKu lalang ri anne linoa, iNakkemi Singara'na linoa.”

2 KORINTUS 6:14

Teako eroki sipa'rappungang siagang tau tenaya naero' tappa' mae ri Isa; tena nacoco' anjo kammaya. Antekamma olona lakkulle a'jari se're kabajikanga siagang kaja'dallanga? Tena olona lakkulle a'jari se're singaraka siagang sassanga.

FILIPI 2:15

Lanri kammanami anjo nanupappicinikammo angkanaya ma'nassa ana'-ana'Nako Allata'ala tenaya callanna, lambusuka siagang annabaya batena attallasa' ri tangnga-tangngana tau ja'dalaka siagang dorakaya. Siagang ri wattunna nupabattu mae ri ke'nanga anjo biritta katallassanga, paralluko a'jari sanrapang singara' mae ri ke'nanga, ansioriai linoa. Punna kamma anjo batenu attallasa', nia'mo sallang alasangku langkalompoang pa'maikko, ri wattunna battu poleang ammotere' Isa Almasi. Iaminjo buttina angkanaya tena nasia-sia usahaku, passangalinna nia'ja wassele'na.

1 TESALONIKA 5:5

Ikau ngaseng, tau lalangko ri singaraka attallasa'; antamakko ri golongang allo masingaraka. Ikatte teaiki' tau lalanga ri kasassanganga attallasa', yareka teaiki' tau antamaya ri golongang bangngi masassanga.

PAPPICINI' 1:20

Iaminne rahasiana tujua bintoeng nucinika lalang ri lima kanangKu, siagang anjo tujua bangkeng lampu bulaenga: Anjo tujua bintoeng, iamintu tujua malaeka'na anjo tujua jama'ah; na anjo tujua bangkeng lampu, iamintu anjo tujua jama'ah.”

PAPPICINI' 2:5

Lanri kammana, u'rangi angkanaya teaimi sipato' lantanna katu'gurannu! Toba' laloko ri dosa-dosanu, siagang gaukangi ammotere' apa le'baka nugaukang ri pakaramulanna. Punna tena, labattuA' nampa Kubi'bu' ammotere' anjo bangkeng lampunnu battu ri pammantanganna.