MATIUS 4:7 - KITTA' MATANGKASA'

⁷ Appialimi Isa Nakana, “Mingka nia' todong tattulisi' lalang ri Kittaka angkanaya, ‘Teako so'ri-so'ri Karaeng Allata'alanu.’ ”

MATIUS 4:7 ပူးပေါင်းရင်းမြစ်များ

PAMMUJI 106:14

Ri parang lompoa nigodami ke'nanga ri napasuna, na naso'ri Allata'ala.

PAMMUJI 78:18

Nakunjungimi ke'nanga naso'ri Allata'ala, appala' kanre nakaerokia ke'nanga.

PAMMUJI 78:41

A'mole-molei ke'nanga naso'ri Allata'ala, nasusai Kaminang Matangkasaka, Allata'alana Israel.

PAMMUJI 78:56

Mingka angngewai ke'nanga siagang naso'ri Allata'ala Kaminang Tinggia, tanaturukiai ke'nanga parenta-parentaNa.

PAMMUJI 95:9

Anjoreng naso'riA' ke'nanga, manna mamo nacini'mo apa le'baka Kugaukang.

KALAPPASSANG 17:2

Jari a'moro-moromi ke'nanga ri Musa nakana, “Sarei ikambe je'ne' inung.” Appialimi Musa angkana, “Angngapa nu'moro-moro anso'ri Batara?”

KALAPPASSANG 17:7

Anjo tampaka niarengi Masa, lanri anjorengi ri tampaka tu Israel naso'ri Batara wattunna akkuta'nang ke'nanga angkana, “Apaka Narurungangki' Batara yareka tena?” Anjo tampaka niareng tongi Meriba, lanri anjoremmi ri tampaka akkunrareng tu Israel.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

MALEAKHI 3:15

Mata kalenta anciniki antekamma mate'nena tau tampoa. Tena napila' salewangang bawang tau ja'dalaka, mingka punna naso'ri kasa'baranNa Allata'ala lalang kaja'dallanna ke'nanga, tena tonja namangngapa-apa.’ ”

PAMMILANGNGANG 14:22

angkanaya manna sitau anne sikamma taua tena lattallasa' untu' antama' ri pa'rasangang le'baka Kupa'janjiang mae ri boe-boena ke'nanga. Nasaba' taerokai ke'nanga mannuruki mae ri Nakke, siagang tulusu' ero'na ke'nanga ampaccoba-cobaiA'. Nampa le'ba'mi nacini' ke'nanga sioro'na cayaKu, siagang gau'-gau' malompo Kugaukanga ri Mesir siagang ri parang lompoa.

MATIUS 21:16

Nakanamo ke'nanga mae ri Isa, “Nulangngere'ji anjo napaua ke'nanga?” Appialimi Isa Nakana, “Iyo, Kulangngere'ji. Tena le'bakapi nubaca apa niaka tattulisi' lalang ri Kittaka angkanaya, ‘Le'ba'mi nuajara' ana'-anaka siagang ana' loloa ampaui kana-kana pammujia’?”

MATIUS 21:42

Jari Nakanamo Isa ri ke'nanga, “Tale'bakapi nubaca niaka tattulisi' lalang ri Kittaka angkanaya, ‘Batu tenaya napakei tukanga a'jarimi batu panjarreki. Iaminne Napareka Allata'ala; natamaka ga'gana!’ ”

MATIUS 4:10

Appialimi Isa Nakana, “A'lampako Billisi'! Nia' tattulisi' lalang ri Kittaka angkanaya: Sombai Batara, Allata'alanu, siagang Iaji bawang siratang tuli nupakala'biri'!”

MATIUS 4:4

Appialimi Isa Nakana, “Nia' tattulisi' lalang ri Kittaka angkanaya: Tena nalanri battu ri rotija bawang nakkulle attallasa' rupataua, mingka lanri battu ri kana-kana Napabattua pole Allata'ala.”

LUKAS 4:12

Appialimi Isa Nakana, “Nia' tattulisi' lalang ri Kittaka angkanaya, ‘Teako coba-cobai Batara, Allata'alanu.’ ”

LAMPA-LAMPANA 15:10

Jari apa saba'na nanuero' ambali Allata'ala kamma-kamma anne lanri ero'nu ambattali atorang-atorang anjo tau tappaka? Na sikontutojenna manna boe-boeta, yareka manna kalenta ngaseng tena todong nanikkulle anggaukangi anjo atoranga.

LAMPA-LAMPANA 5:9

Nakanamo Petrus ri ia, “Angngapa nusikongkolo' siagang bura'nennu ero' ancobai RohNa Batara? Pilangngerimi! Ammotere'mi tau mangea antarawangi bura'nennu. Lanaerang tongko ke'nanga assulu'.”

1 KORINTUS 10:9

Takkulleaki' anso'ri Batara sangkamma nagaukanga ke'nanga riolo, sa'genna mate nitotto' ke'nanga ri ulara'.

PAOLE 6:16

Teako paccoba-cobai Karaeng Allata'alanu sangkamma nugaukanga ri Masa.

IBRANI 3:9

Nakana Allata'ala, ‘AnjoremMa' naso'ri siagang nauji boe-boenu, manna pole nacini'mi ke'nanga apa le'baka Kugaukang patampulo taung sallona.’