MATIUS 4:6 - KITTA' MATANGKASA'

⁶ Nampa nakana billisika ri ia, “Sai Ana'NaKo Allata'ala? Punna kamma, a'lumpa' maKo naung; nasaba' nia' tattulisi' lalang ri Kittaka angkanaya, ‘LaNasuroi malaeka'-malaeka'Na Allata'ala anjagaiKo, LaNaruppaiKo lalang limanna ke'nanga, Sollanna manna bangkenNu tena todong nata'runtu' ri batua.’ ”

MATIUS 4:6 ပူးပေါင်းရင်းမြစ်များ

AYUB 1:10

Ia, bone balla'na, siagang sikontu kakalumanynyanganna tuli Kijagai. Jama-jamanna Kibarakkaki siagang Kisarei jai olo'-olo' katuo angganaka untu' sikontu pa'rasanganga.

AYUB 5:23

Tena batunna koko nupa'jekoa; tanabakkaiako olo'-olo' liara'.

PAMMUJI 34:20

Jai pa'risi'na tu bajika, mingka nilappassangi ri Batara battu ri yangasenna anjo.

PAMMUJI 34:7

Tu cilakaya akkioki siagang appialimi Batara, nilappassammi battu ri sikontu kasukkarranna.

MATIUS 4:4

Appialimi Isa Nakana, “Nia' tattulisi' lalang ri Kittaka angkanaya: Tena nalanri battu ri rotija bawang nakkulle attallasa' rupataua, mingka lanri battu ri kana-kana Napabattua pole Allata'ala.”

2 KORINTUS 11:14

Takkulleaki' lannasa' punna appakamma anjo ke'nanga, nasaba' manna Billisika ammakeang kamma tonji malaeka' singaraka!

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.